રાજકોટ તા. ૧૪: કોઠારીયા સોલવન્‍ટમાં રહેતાં પ્રદિપકુમાર દયાશંકર (ઉ.વ.૨૦) નામના યુવાને રાત્રીના સમયે પારડી અને પડવલા વચ્‍ચે આવેલા રેલ્‍વે ટ્રેક પર ટ્રેન હેઠળ ઝંપલાવી આપઘાત કરી લેતાં અરેરાટી વ્‍યાપી ગઇ છે. બનાવની જાણ થતાં શાપર પોલીસના સ્‍ટાફે ઘટના સ્‍થળે પહોંચી કાર્યવાહી કરી મૃતદેહને પોસ્‍ટમોર્ટમ માટે ખસેડયો હતો. આપઘાત કરનાર પ્રદિપકુમાર મુળ યુપીનો વતની હતો અને હાલ શાપરમાં એકલો રહી છુટક મજૂરી કરતો હતો. તેના લગ્ન થયા નહોતાં. આ યુવાન બે બહેનનો એકનો એક ભાઇ હતો. તેના પરિવારજનો વતનમાં રહે છે. પોતે શાપરમાં રૂમ રાખી એકલો રહેતો હતો. એકલવાયા જીવનથી કંટાળીને પગલું ભર્યાનું પ્રાથમિક તારણ નીકળ્‍યું હતું.