નવી દિલ્‍હીઃ ગ્‍લાસગો ગેમ્‍સમાં ભારત માટે વર્લ્‍ડ ગેમ્‍સ ૨૦૨૬માંથી એક અત્‍યંત ગૌરવપૂર્ણ સમાચાર સામે આવ્‍યા છે. રમતવીર ઝંડુ કુમારે શાનદાર પ્રદર્શન કરીને બ્રોન્‍ઝ મેડલ (કાંસ્‍ય પદક) પોતાના નામે કર્યો છે. આ મેડલની સાથે જ કોમનવેલ્‍થ ગેમ્‍સ ૨૦૨૬ની મેડલ ટેલીમાં ભારતનું ખાતું પણ ખુલી ગયું છે.

ઝંડુ કુમારની આ જીત માત્ર એક રમતનો વિજય નથી, પરંતુ તે જિજીવિષા અને અદમ્‍ય આત્‍મવિશ્વાસની એક મિશાલ છે. ઝંડુ કુમારનો અહીં સુધી પહોંચવાનો માર્ગ બિલકુલ આસાન નહોતો. બાળપણથી જ પોલિયો જેવી ગંભીર શારીરિક સ્‍થિતિ અને આર્થિક ગરીબી તેમની સામે મોટો પડકાર બનીને ઊભી હતી. સંસાધનોના અભાવ અને સમાજના તાણા-વાણા વચ્‍ચે પણ તેમણે ક્‍યારેય હાર ન માની. પોતાની શારીરિક મર્યાદાઓને તેમણે પોતાની કમજોરી બનવા ન દીધી અને મહેનતના દમ પર આજે આંતરરાષ્ટ્રીય મંચ પર ભારતનો તિરંગો લહેરાવ્‍યો છે.

જો મનમાં કઈ કરી બતાવવાનો ઉત્‍સાહ હોય, તો કોઈ પણ ગરીબી કે શારીરિક અસમર્થતા તમને સફળ થતાં રોકી શકતી નથી.  આ વાત ઝંડુ કુમારે પોતાની સફળતાથી સાબિત કરી બતાવી છે.