જમ્મુ: જમ્મુ કાશ્મીરના રાજકારણમાં હાલ ભારે ગરમાવો આવ્યો છે, જેમાં ભાજપ સતત દાવા કરી રહ્યું છે કે ઉમર અબ્દુલ્લાની સરકાર બહુ જલ્દી પડી જશે. મુખ્યમંત્રી ઉમર અબ્દુલ્લાએ ૩ જૂનના રોજ પોતાના તમામ ધારાસભ્યોની એક તાકીદની બેઠક બોલાવી છે. આ મામલે વિપક્ષી નેતા સુનીલ શર્મા અને ભાજપના નેતા અલ્તાફ ઠાકુરે કટાક્ષ કરતા કહ્યું છે કે આ સરકાર બચાવવાનો અંતિમ પ્રયાસ છે કારણ કે અનેક ધારાસભ્યો ઉમર અબ્દુલ્લાથી સખત નારાજ છે. જોકે, નેશનલ કોન્ફરન્સના નેતા સલમાન સાગરે આ દાવાઓને ફગાવી દેતા જણાવ્યું છે કે પાર્ટી મજબૂત છે. ઉમર અબ્દુલ્લાએ પણ એક્સ પર પોસ્ટ કરીને ભાજપ પર વળતો પ્રહાર કર્યો છે, જ્યારે સાંસદ રમઝાન ચૌધરીએ ભાજપના દાવાઓને 'મુંગેરીલાલના હસીન સપના' સમાન ગણાવ્યા છે