તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
પત્નીએ પ્રાઈવેટ પાર્ટ પર બચકું ભર્યું: પતિએ નાક કાપી નાખ્યું....
ઉત્તર પ્રદેશના હરદોઈમાં પતિ-પત્ની વચ્ચેના ઝઘડાનો એક ચોંકાવનારો કિસ્સો પ્રકાશમાં આવ્યો : દંપતીના લગ્ન લગભગ દસ વર્ષ પહેલા થયા હતા અને તેમને ૮, ૬ અને ૩ વર્ષની ત્રણ દીકરી છે
હરદોઈઃ તા.૨૧: ઉત્તર પ્રદેશના હરદોઈ જિલ્લામાં એક મહિલાએ તેના પતિ પર દલીલ દરમિયાન તેનું નાક કાપી નાખવાનો આરોપ લગાવ્યો છે. પીડિતાએ આરોપ લગાવ્યો છે કે તેના પતિએ તેના માથા પર હુમલો કર્યો, તેનું નાક કાપી નાખ્યું અને તેને ગટરમાં ફેંકી દીધી, મીડિયા રિપોર્ટ અનુસાર તેણીએ એવો પણ દાવો કર્યો હતો કે હુમલા દરમિયાન તેના સાસુ અને સસરાએ તેના હાથ પકડી રાખ્યા હતા.
પોલીસના જણાવ્યા અનુસાર મહિલા અઢી મહિના પહેલા તેના પ્રેમી સાથે રહેવા માટે તેના પતિનું ઘર છોડીને ગઈ હતી. ગુરુવારે તે પાડોશીના ધાબા પરથી કૂદીને અચાનક તેના પતિના ઘરે પાછી આવી હતી. પત્નીના અચાનક પાછા ફરવાથી દંપતી વચ્ચે ઝઘડો થયો, જે દરમિયાન પતિએ તેના પર હુમલો કર્યો અને તેનું નાક કાપી નાખ્યું હતું.
ઘટનાની માહિતી મળતાં પોલીસ ઘટનાસ્થળે પહોંચી અને બંને પક્ષોને પોલીસ સ્ટેશન લઈ ગઈ હતી. ત્યારબાદ પતિને કસ્ટડીમાં લેવામાં આવ્યો હતો. પોલીસના જણાવ્યા અનુસાર મહિલાને વધુ સારવાર માટે સેન્ડીના કોમ્યુનિટી હેલ્થ સેન્ટર (CHC) લઈ જવામાં આવી હતી.
સાસરિયાઓએ પીડિતા પર ગંભીર આરોપો લગાવ્યા છે. સાસુનો દાવો છે કે વહુ અઢી મહિના પહેલા તે વિસ્તારના એક યુવક સાથે ભાગી ગઈ હતી, જે તેના પતિનો મિત્ર પણ હતો. તે સમયે આ મામલાની જાણ પોલીસને કરવામાં આવી હતી અને સમાધાન થયું હતું. સાસુના જણાવ્યા અનુસાર, વહુ અચાનક પાછી આવી અને બાળકોને પોતાની સાથે લઈ જવાનો પ્રયાસ કર્યો. આના કારણે ઝઘડો થયો જે દરમિયાન વહુએ કથિત રીતે તેના પતિના ગુપ્તાંગ પર બચકું ભર્યું હતું અને બાદમાં જમીન પર માથું પછાડીને પોતાને ઇજા પહોંચાડી હતી.
મીડિયા રિપોર્ટ અનુસાર દંપતીના લગ્ન લગભગ દસ વર્ષ પહેલા થયા હતા અને તેમને ૮, ૬ અને ૩ વર્ષની ત્રણ દીકરી છે. પોલીસે જણાવ્યું કે મહિલા દ્વારા હજુ સુધી કોઈ ઔપચારિક ફરિયાદ નોંધાવવામાં આવી નથી, જ્યારે તેની સાસુએ ફરિયાદ નોંધાવી છે. પોલીસ કેસની તમામ હકીકતોની તપાસ કરી રહી છે.
(10:45 AM IST)
છેલ્લા 8 દિવસમાં સૌથી લોકપ્રિય 
