News of Monday, 16th November 2026
અજિત પવાર મહાયુતિમાં શા માટે જોડાયા હતા? કેન્દ્રીય ગૃહ પ્રધાન અમિતભાઈ શાહે પુણેમાં કર્યો મોટો ખુલાસો
દિવંગત નેતા અજિત પવારની પ્રતિમાના અનાવરણ પ્રસંગે શાહે તેમની સાથે થયેલી વાતચીતનો કિસ્સો સંભળાવતા જણાવ્યું કે તેઓ દેશ અને રાજ્યના વિકાસમાં ભાગીદાર બનવા માંગતા હતા.

પુણે : રાષ્ટ્રવાદી કોંગ્રેસના દિવંગત નેતા અજિત પવાર દ્વારા શરદ પવારથી અલગ થઈને મહાયુતિમાં જોડાવાના નિર્ણય પાછળના રાજકીય સમીકરણો અંગે કેન્દ્રીય ગૃહ પ્રધાન અમિતભાઈ શાહે પુણે ખાતે યોજાયેલા એક વિશેષ કાર્યક્રમમાં મોટો ખુલાસો કર્યો છે.
અજિત પવારના પ્રતિમા અનાવરણ પ્રસંગે બોલતા અમિતભાઈ શાહે જણાવ્યું હતું કે જ્યારે અજિતદાદા મહાયુતિમાં જોડાવા માટે તૈયાર થયા ત્યારે તેમને અને સામાન્ય જનતાને મોટો આંચકો લાગ્યો હતો, કારણ કે તેમની અલગ રાજકીય પૃષ્ઠભૂમિ રહી હતી.
શાહે તેમને પ્રશ્ન કર્યો હતો કે સત્તા આવે છે અને જાય છે ત્યારે આટલો મોટો નિર્ણય લેવાની શી જરૂર છે, જેના જવાબમાં અજિત પવારે સ્પષ્ટ કર્યું હતું કે નરેન્દ્ર મોદીના નેતૃત્વમાં દેશના વિકાસ પ્રવાહમાં જોડાવું તેમની મુખ્ય પ્રાથમિકતા છે.
આ ચર્ચા દરમિયાન શાહે વધુમાં ઉમેર્યું હતું કે અજિત પવારને મહાયુતિમાં સામેલ કરવા માટે અગાઉ પણ પ્રયાસો થયા હતા અને ચૂંટણી દરમિયાન તેઓ હંમેશા પોતાના પક્ષના કાર્યકરો અને જનહિતના મુદ્દાઓ માટે મક્કમતાથી રજૂઆતો કરતા હતા.
તેમની કામ કરવાની શિસ્ત, સમયનું ચોક્કસ આયોજન અને સામાન્ય લોકો પ્રત્યેની સંવેદનશીલતા આગામી પેઢીના યુવા રાજકારણીઓ માટે હંમેશા પ્રેરણારૂપ બની રહેશે તેમ કહીને અમિત શાહ ભાવુક થઈ ગયા હતા.
અજિત પવારના અકસ્માતમાં થયેલા નિધન બાદ તેમના રાજકીય પ્રદાન અને નિર્ણયોને યાદ કરી વહીવટી તથા રાજકીય વર્તુળોમાં તેમને શ્રદ્ધાંજલિ અર્પણ કરવામાં આવી રહી છે.
(7:23 PM IST)









છેલ્લા 8 દિવસમાં સૌથી લોકપ્રિય 
