અમૃતસર તા.૧૬: પંજાબમાં વધી રહેલા નશાના કારોબાર અને કાયદો-વ્‍યવસ્‍થાની કથળતી પરિસ્‍થિતિને લઈને ભારતીય જનતા પાર્ટીના સાંસદ તરુણ ચુગે વર્તમાન સરકાર સામે આકરા પ્રહારો કર્યા છે. સંગરૂરમાં એક નિવેદન આપતાં તેમણે રાજ્‍યની વર્તમાન સ્‍થિતિને અત્‍યંત ચિતાજનક ગણાવી છે.

તરુણ ચુગે જણાવ્‍યું કે, આ ખૂબ જ દુઃખદ બાબત છે. આજે સમગ્ર પંજાબ જાણે આગના હવાલે થઈ ગયું હોય તેવી સ્‍થિતિ છે. રાજ્‍યના દરેક મહોલ્‍લા અને ગામડાઓમાં યુવાનો નશાની લતમાં જીવ ગુમાવી રહ્યા છે. નશો પંજાબની યુવાપેઢીને ઉધઈની જેમ કોરી ખાઈ રહ્યો છે.

તેમણે આગળ કહ્યું કે, એક આખી પેઢી આજે વ્‍યસનના અંધકારમાં ધકેલાઈ ચૂકી છે અને રાજ્‍યમાં કાયદો તેમજ વ્‍યવસ્‍થા સંપૂર્ણપણે પડી ભાંગ્‍યા છે. જનતાનો સરકાર પરથી સંપૂર્ણ વિશ્વાસ ઊઠી ગયો છે.

આ સાથે જ તેમણે પંજાબની જનતા સામે ભાજપ તરફથી સંકલ્‍પ રજૂ કરતા કહ્યું, ભાજપ ગંભીરતાપૂર્વક વચન આપે છે કે જનતા અમને જનાદેશ આપે, અમે ૩૧ ડિસેમ્‍બર ૨૦૨૯ સુધીમાં સમગ્ર પંજાબમાંથી નશાના દૂષણને જડમૂળથી ઉખેડી ફેંકીશું