તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
મત ચોરી, સરકાર ચોરી અને હવે પક્ષ ચોરી
રાહુલ ગાંધીના ચૂંટણી પંચ અને ભાજપ પર પ્રહાર ટીએમસીના નામ અને પ્રતીક વિવાદ પર ચૂંટણી પંચના વચગાળાના પ્રતિબંધ સામે મમતા જૂથનો સખત વિરોધ
નવી દિલ્હી, તા.૧૮: હાલમાં તળણમૂલ કોંગ્રેસના નામ અને ચૂંટણી પ્રતીકને લઈને ઊભો થયેલો વિવાદ દેશભરમાં ચર્ચાનું કેન્દ્ર બન્યો છે, જેમાં કોંગ્રેસના દિગ્ગજ નેતા રાહુલ ગાંધીએ સોશિયલ મીડિયા પ્લેટફોર્મ પર આક્રમક ટિપ્પણી કરીને સનસનાટી મચાવી દીધી છે. રાહુલ ગાંધીએ ભાજપ અને ચૂંટણી પંચ પર સીધા પ્રહાર કરતા આક્ષેપ કર્યો છે કે અગાઉ શિવસેના અને એનસીપી સાથે જે રીતે પક્ષોને તોડીને -તીકો છીનવાયા હતા, તેવી જ પદ્ધતિ હવે ટીએમસીના કિસ્સામાં પણ અપનાવવામાં આવી રહી છે. તેમણે આ સમગ્ર ઘટનાક્રમને માત્ર એક પક્ષ પૂરતો મર્યાદિત ન ગણતા, તેને મુક્ત અને નિષ્પક્ષ ચૂંટણી ઇચ્છતા દરેક રાજકીય પક્ષ અને મતદાર માટે ગંભીર અસ્તિત્વની લડાઈ ગણાવી છે, જેના કારણે રાષ્ટ્રીય સ્તરે રાજકીય ગરમાવો અતિશય વધી ગયો છે.
આ વિવાદની પળષ્ઠભૂમિમાં પﾍમિ બંગાળમાં યોજાનારી આગામી વિધાનસભા પેટાચૂંટણીઓ રહેલી છે, જ્યાં ચૂંટણી પંચે ઓલ ઈન્ડિયા તળણમૂલ કોંગ્રેસના નામ તેમજ તેના પરંપરાગત ફૂલો અને ઘાસ ચૂંટણી પ્રતીકના ઉપયોગ પર વચગાળાનો પ્રતિબંધ લાદી દીધો છે. પંચનું માનવું છે કે બંને પ્રતિદ્વંદ્વી જૂથો વાસ્તવિક ટીએમસી હોવાનો દાવો કરી રહ્યા છે અને જ્યાં સુધી આ મામલે કોઈ અંતિમ ન્યાયિક કે વહીવટી નિર્ણય ન આવે ત્યાં સુધી બંને જૂથોને સમાન સ્તરે રાખીને અલગ ઓળખ આપવી અનિવાર્ય હતી. આ વચગાળાની વ્યવસ્થા હેઠળ બંને પક્ષો પાસેથી વૈકલ્પિક નામો અને પ્રતીકોની માંગણી કરવામાં આવી હતી, જેથી ચૂંટણી પ્રક્રિયામાં કોઈ ભ્રામકતા ન રહે અને મતદારો સમક્ષ સ્પષ્ટતા જળવાઈ રહે.
ચૂંટણી પંચના આ આદેશ સામે મમતા બેનર્જી જૂથે અત્યંત આક્રમક અને કડક રૂખ અપનાવ્યો છે. મમતા જૂથે નિર્ધારિત સમયમર્યાદામાં પોતાના વૈકલ્પિક નામો અને પ્રતીકો રજૂ કરવાની સાથે પંચના આ પગલાને અન્યાયી ગણાવ્યું છે. આમ, એક તરફ રાહુલ ગાંધીના રાજકીય આરોપોએ ચૂંટણી પ્રણાલીની નિષ્પક્ષતા પર સવાલો ખડા કર્યા છે, તો બીજી તરફ ટીએમસીની આંતરિક ખેંચતાણ અને કમિશનના નિર્ણયો આગામી દિવસોમાં ભારતીય રાજકારણમાં મોટા ઉથલપાથલના સંકેતો આપી રહ્યા છે.
(3:42 PM IST)
છેલ્લા 8 દિવસમાં સૌથી લોકપ્રિય 
