નવી દિલ્હી, તા. 8 : આધાર કાર્ડ સાથે રજિસ્ટર્ડ મોબાઇલ નંબર ન હોય કે ફોન ખોવાઈ ગયો હોય તો હવે ચિંતા કરવાની જરૂર નથી. UIDAIએ આધાર ધારકો માટે મોટી સુવિધા શરૂ કરી છે. હવે OTP વગર પણ e-Aadhaar ડાઉનલોડ કરી શકાશે અને PVC આધાર કાર્ડ ઓર્ડર કરી શકાશે. આ માટે UIDAIએ ફેસ ઓથેન્ટિકેશનની સુવિધા આપી છે. 

 

1. ફેસ ઓથેન્ટિકેશનથી e-Aadhaar ડાઉનલોડ

 

 સત્તાવાર આધાર મોબાઇલ એપમાં 'Download Aadhaar' વિકલ્પ પસંદ કરીને આધાર નંબર, EID કે VID નાખ્યા બાદ કેમેરાને એક્સેસ આપી ફેસ સ્કેન કરાવવાનો રહેશે. સ્કેન સફળ થતાં જ આધાર PDF તરત ડાઉનલોડ થઈ જશે, OTPની જરૂર નહીં પડે. PDFનો પાસવર્ડ તમારા નામના પહેલા ચાર અક્ષર કેપિટલમાં અને જન્મ વર્ષ હશે.

 

2. OTP વગર PVC આધાર કાર્ડ ઓર્ડર

 

 UIDAIની વેબસાઇટ પર "Order Aadhaar PVC Card" વિકલ્પ પસંદ કરીને આધાર નંબર કે Virtual ID નાખવાનો રહેશે. રજિસ્ટર્ડ મોબાઇલ ન હોય તો પણ નવા મોબાઇલ નંબરથી OTP વેરિફિકેશન કરી શકાશે. પેમેન્ટ કર્યા બાદ PVC આધાર કાર્ડ ઘરે ડિલિવર થશે. 

 

 

અન્ય વિકલ્પો પણ ઉપલબ્ધ

 

 

મોબાઇલ નંબર રજિસ્ટર્ડ ન હોય તો ડિજીલોકરમાંથી પણ આધાર ડાઉનલોડ કરી શકાય છે. આ ઉપરાંત આધાર સેવા કેન્દ્ર પર બાયોમેટ્રિક ઓથેન્ટિકેશનથી પણ આધારની પ્રિન્ટ કઢાવી શકાય છે. 

UIDAIના આ નવા અપડેટથી એવા લાખો લોકોને ફાયદો થશે જેમનો મોબાઇલ નંબર આધાર સાથે લિંક નથી અથવા ખોવાઈ ગયો છે.