નવી દિલ્‍હીઃ  સ્‍ટેટ બેંક ઓફ પાકિસ્‍તાન દ્વારા જાહેર કરાયેલ માહીતિ મુજબ UAEને બાકી રહેલું સંપૂર્ણ દેવું નિર્ધારિત સમય મર્યાદા પહેલા ચૂકવી દીધું છે. UAE એ આ મહિનાના અંત સુધીમાં પાકિસ્‍તાનને $૩.૪૫ બિલિયનની રકમ ચૂકવવાની સમયમર્યાદા નક્કી કરી હતી. પાકિસ્‍તાને ૨૦૧૯માં UAE પાસેથી આ પૈસા ઉધાર લીધા હતા. સ્‍ટેટ બેંક ઓફ પાકિસ્‍તાન દ્વારા જાહેર કરાયેલા નિવેદન મુજબ, UAEને $૨.૪૫ બિલિયનની રકમ ચૂકવી દેવામાં આવી છે. $૧ બિલિયનનો અંતિમ હપ્તો પણ હવે ચૂકવી દેવામાં આવ્‍યો છે. આ ભંડોળ સાઉદી અરેબિયા દ્વારા પાકિસ્‍તાનને બે દિવસ પહેલા જ પૂરું પાડવામાં આવ્‍યું હતું. ઈરાન સાથેના સંઘર્ષને ધ્‍યાનમાં રાખીને સંયુક્‍ત આરબ અમીરાતે પાકિસ્‍તાન પાસેથી તેના પૈસા પરત કરવાની માંગ કરી હતી. શરૂઆતમાં, પાકિસ્‍તાને ચુકવણીને સરળ બનાવવા માટે UAE પાસેથી ગ્રેસ પીરિયડની વિનંતી કરી હતી. જોકે, જ્‍યારે UAEએ આ વિનંતીનો ઇનકાર કર્યો, ત્‍યારે પાકિસ્‍તાને સહાય માટે સાઉદી અરેબિયા અને કતારનો સંપર્ક કર્યો હતો. UAE હાલમાં પાકિસ્‍તાનથી ખૂબ નારાજ છે. UAEનો દાવો છે કે પાકિસ્‍તાન ઈરાન અને અમેરિકા વચ્‍ચેના યુદ્ધવિરામ પ્રયાસોમાં હસ્‍તક્ષેપ કરવાનો પ્રયાસ કરીને તેના હિતોને નુકસાન પહોંચાડી રહ્યું છે. પરિણામે, UAE વર્તમાન પરિસ્‍થિતિઓમાં પાકિસ્‍તાનને કોઈ પણ પ્રકારની છૂટ આપવાના મૂડમાં નથી. પાકિસ્‍તાન મધ્‍ય પૂર્વ ક્ષેત્રમાં સાઉદી અરેબિયા અને તુર્કી સાથે જોડાણ કરી રહ્યું છે. આ જોડાણ મધ્‍ય પૂર્વમાં UAEના રાજકીય હિતોની વિરુદ્ધ છે. આ ભૂ-રાજકીય ગતિશીલતા ચુકવણીની તાત્‍કાલિક માંગ પાછળનું બીજું કારણ છે. રસપ્રદ વાત એ છે કે, સાઉદી અરેબિયાએ જ પાકિસ્‍તાનને UAEને તેનું દેવું ચૂકવવા માટે ભંડોળ પૂરું પાડ્‍યું હતું. પાકિસ્‍તાને શ્‍ખ્‍ચ્‍નું $૩.૪૫ બિલિયનનું દેવું ચૂકવી દીધું હોવા છતાં, હજુ પણ તેના પર આશરે $૧૩૦ બિલિયનનું કુલ દેવું છે. ચીન પાકિસ્‍તાનનો સૌથી મોટો લેણદાર છે. ૨૦૨૩ના ડેટા અનુસાર, પાકિસ્‍તાને ચીન પાસેથી $૬૯ બિલિયન ઉધાર લીધા છે. તેવી જ રીતે, પાકિસ્‍તાને સાઉદી અરેબિયા પાસેથી આશરે $૧૦ બિલિયન ઉધાર લીધા છે. વધુમાં, પાકિસ્‍તાને કતાર અને IMF, તેમજ અનેક ખાનગી સંસ્‍થાઓ સહિત વિવિધ અન્‍યસ્ત્રોતો પાસેથી લોન મેળવી છે.