તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ટ્રમ્પે ૧૦૦% ટેરિફ બોમ્બ ફેંક્યોઃ નવા કાયદા પર હસ્તાક્ષરઃ ભારત પર સીધી અસર
અમેરિકન રાષ્ટ્રપતિ ડોનાલ્ડ ટ્રમ્પે રશિયા પર નવા અને કડક પ્રતિબંધો લાદવાના કાયદા પર હસ્તાક્ષર કર્યા : અમેરિકન પ્રતિનિધિ ગૃહે આ બિલ પર મતદાન કર્યું: જ્યારે ૨૬૨ મતો તરફેણમાં પડ્યાઃ ૧૫૯ મતો વિરુદ્ધ પડ્યાઃ બહુમતી હોવાને કારણે, બિલને સેનેટ દ્વારા પહેલાથી જ મંજૂરી મળી ગઈ હતી
વોશીંગ્ટન તા.૧૯: અમેરિકન રાષ્ટ્રપતિ ડોનાલ્ડ ટ્રમ્પે રશિયા પર નવા અને કડક પ્રતિબંધો લાદવાના કાયદા પર હસ્તાક્ષર કર્યા છે. આ કાયદો યુએસ રાષ્ટ્રપતિને રશિયા પાસેથી તેલ અને ગેસ ખરીદનારા દેશો પર ૧૦૦% સુધીના ટેરિફ લાદવાનો અધિકાર આપે છે. યુએસ રાષ્ટ્રપતિના આ પગલાથી રશિયાના બે સૌથી મોટા તેલ ખરીદદારો ભારત અને ચીન સીધા યુએસ નિશાના પર આવી શકે છે.
આ કાયદો રાષ્ટ્રપતિ ટ્રમ્પને ૧૦૦% સુધીના ટેરિફ લાદવાનો અધિકાર આપે છે, પરંતુ તેનો અર્થ એ નથી કે ભારત પર તાત્કાલિક ૧૦૦% ટેરિફ લાદવામાં આવ્યો છે. એકવાર કાયદો લાગુ થઈ ગયા પછી, ટ્રમ્પ પાસે કયા દેશો પર અને કયા દરે ટેરિફ લાદવો તે નક્કી કરવાની વ્યાપક સત્તા હશે. ભારત અને ચીન મહત્વપૂર્ણ છે કારણ કે બંને રશિયા પાસેથી મુખ્ય ઊર્જા ખરીદદારો છે.
આ કાયદો રશિયાના ઉર્જા ક્ષેત્ર, વરિષ્ઠ અધિકારીઓ, નાણાકીય સંસ્થાઓ અને પ્રતિબંધોથી બચવા માટે ઉપયોયુએસ પ્રમુખ ડોનાલ્ડ ટ્રમ્પે રશિયા અને ઈરાન પર પ્રતિબંધો સંબંધિત નવા કાયદા, લિન્ડસે ઓ. ગ્રેહામ સેન્ક્શનિગ રશિયા અને ઈરાન એક્ટ ૨૦૨૬ પર હસ્તાક્ષર કર્યા છે. વ્હાઇટ હાઉસના જણાવ્યા અનુસાર, ટ્રમ્પે ૧૮ સપ્ટેમ્બર, ૨૦૨૬ ના રોજ H.R. 5334 પર હસ્તાક્ષર કરીને કાયદો બનાવ્યો હતો. આ કાયદો રશિયા પર પ્રતિબંધો, ટેરિફ અને અન્ય પ્રતિબંધોનો વિસ્તાર કરે છે, જ્યારે ઈરાન પર હાલના પ્રતિબંધોનો પણ વિસ્તાર કરે છે.
યુએસ હાઉસ ઓફ રિપ્રેઝન્ટેટિવ્સમાં આ બિલ પર મતદાન થયું હતું. ૨૬૨ મત પક્ષમાં પડ્યા હતા, જ્યારે ૧૫૯ મત વિરોધમાં પડ્યા હતા. બહુમતી હોવાને કારણે, બિલને સેનેટ દ્વારા પહેલાથી જ મંજૂરી મળી ગઈ હતી.
આ નવા કાયદા હેઠળ, રશિયન તેલ અને ગેસના પાંચ સૌથી મોટા ખરીદદારો પર ૧૦૦% સુધીના ટેરિફ લાગુ થઈ શકે છે. જોકે, આ ટેરિફ આપમેળે લાદવામાં આવશે નહીં. ટ્રમ્પ પાસે કયા દેશો પર, કયા દરે અથવા કયા સંજોગોમાં ટેરિફ લાદવો તે નક્કી કરવાનો વિવેક હશે.
ભારત હાલમાં રશિયન ક્રૂડ ઓઇલનો વિશ્વનો સૌથી મોટો ખરીદદાર છે. ભારતે પહેલાથી જ યુએસને ચેતવણી આપી છે કે આવી ટેરિફ વ્યવસ્થા દ્વિપક્ષીય સંબંધોને અસર કરી શકે છે. ભારત સરકારે સ્પષ્ટતા કરી છે કે તેની પ્રાથમિકતા દેશની ઉર્જા સુરક્ષા સુનિﾍતિ કરવાની છે અને તે બજારની સ્થિતિના આધારે વિવિધ દેશોમાંથી તેલ ખરીદવાનું ચાલુ રાખશે.
ચીને રશિયન તેલ અને ગેસની ખરીદી પર ટેરિફ લાદતા નવા યુએસ બિલનો પણ વિરોધ કર્યો છે. ડ્રેગને જણાવ્યું હતું કે કોઈપણ દેશ સાથેનો તેનો વેપાર અને આર્થિક સહયોગ તૃતીય પક્ષના હસ્તક્ષેપ અથવા દબાણને આધીન ન હોવો જોઈએ. ચીનના વિદેશ મંત્રાલયના પ્રવક્તા ગુઓ જિયાકુને જણાવ્યું હતું કે ચીન એવી કોઈપણ કાર્યવાહીનો વિરોધ કરે છે જેને સંયુક્ત રાષ્ટ્ર સુરક્ષા પરિષદની મંજૂરી ન હોય.
(11:01 AM IST)
છેલ્લા 8 દિવસમાં સૌથી લોકપ્રિય 
