નવી દિલ્હી:  પીએમ મોદીની અધ્યક્ષતામાં યોજાયેલી કેન્દ્રીય કેબિનેટની મહત્વપૂર્ણ બેઠકમાં દેશના આર્થિક અને ભૌતિક વિકાસને નવી ઊંચાઈઓ પર લઈ જવા માટે બે મોટા નિર્ણયોને મંજૂરી આપવામાં આવી છે. કેન્દ્રીય મંત્રી અશ્વિની વૈષ્ણવે કેબિનેટના નિર્ણયો વિશે વિગતવાર માહિતી આપતા જણાવ્યું હતું કે, કેબિનેટે દેશમાં એકીકૃત ટ્રાન્સપોર્ટ સિસ્ટમ ઊભી કરવા માટે 'ઇન્ટિગ્રેટેડ ટ્રાન્સપોર્ટ એન્ડ લોજિસ્ટિક્સ ઓથોરિટી' ની રચના અને નાના તથા મધ્યમ ઉદ્યોગો ને પ્રોત્સાહન આપવા માટે ₹10,000 કરોડના 'સ્મોલ એન્ડ મીડિયમ એન્ટરપ્રાઇઝ ગ્રોથ ફંડ'  ને મંજૂરી આપી છે. આ નિર્ણયોનો મુખ્ય હેતુ વર્ષ 2047 સુધીમાં ભારતને એક સંપૂર્ણ વિકસિત રાષ્ટ્ર બનાવવાનો છે.

કેન્દ્ર સરકારે દેશના નાના અને મધ્યમ સાહસોને ભવિષ્યના 'ગ્લોબલ ચેમ્પિયન' બનાવવાના વિઝન સાથે ₹10,000 કરોડના બજેટ સાથે 'SME ગ્રોથ ફંડ' ની સ્થાપના કરી છે. આ પહેલ હેઠળ સરકાર ઔદ્યોગિક વિકાસ ભંડોળ હેઠળ સ્થાપિત વૈકલ્પિક રોકાણ ભંડોળ  માં ₹10,000 કરોડનું સીધું રોકાણ કરશે, જેમાંથી મોટાભાગનો હિસ્સો ઉત્પાદન-આધારિતને સીધું ઇક્વિટી કેપિટલ આપવા માટે વપરાશે. આ ભંડોળ મળવાથી નાના ઉદ્યોગો પોતાની ક્ષમતાનો વિસ્તાર કરી શકશે, અદ્યતન ટેકનોલોજી અપનાવી શકશે, ઉત્પાદકતા વધારી શકશે અને વૈશ્વિક માર્કેટમાં નિકાસ સ્પર્ધાત્મકતા મજબૂત કરી શકશે. આનાથી સ્થાનિક સપ્લાય ચેઇન મજબૂત થશે અને દેશમાં મોટા પાયે નવી રોજગારીની તકો ઊભી થશે.

બીજા ક્રાંતિકારી નિર્ણય મુજબ, દેશમાં પરિવહન અને લોજિસ્ટિક્સ ક્ષેત્રે નીતિગત સુધારા માટે રાષ્ટ્રીય સ્તરની સર્વોચ્ચ સંસ્થા તરીકે 'ઇન્ટિગ્રેટેડ ટ્રાન્સપોર્ટ એન્ડ લોજિસ્ટિક્સ ઓથોરિટી' (ITLA) ની રચના કરવામાં આવશે. કેન્દ્રીય મંત્રી અશ્વિની વૈષ્ણવે જણાવ્યું કે ITLA એક જ છત નીચે કેન્દ્ર અને રાજ્ય સરકારોને સાથે લાવીને એકીકૃત પરિવહન યોજના, સંશોધન, પ્રોજેક્ટ મૂલ્યાંકન, નીતિગત સહાય અને ડેટા વિશ્લેષણનું કાર્ય કરશે. આ ઓથોરિટી રોડ, રેલ્વે, બંદરો, સિવિલ એવિએશન, આંતરદેશીય જળમાર્ગો, કોસ્ટલ શિપિંગ અને અર્બન મોબિલિટીને આવરી લેતો દીર્ઘકાલીન માસ્ટર પ્લાન બનાવશે. ઉપરાંત તે ઊર્જા-કુશળ અને પર્યાવરણને અનુકૂળ ટ્રાન્સપોર્ટ મોડ્સ પર સંશોધન કરશે તેમજ લોજિસ્ટિક્સ ક્ષેત્રમાં કૌશલ્ય વિકાસ અને તાલીમને પણ પ્રોત્સાહન આપશે.