તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ફલોરિડામાં થયેલા અકસ્માતમાં ત્રણ ભારતીય છાત્રોનાં મોત
જોબ પર જઈ રહ્યા હતા ત્યારે બ્રેવર્ડ કાઉન્ટીમાં ઈન્ટરસ્ટેટ ૯૫ પર કાર ઝાડ સાથે અથડાયા બાદ સળગી ઉઠી
ફલોરિડા તા.૨૯: ફલોરિડામાં થયેલા એક ગમખ્વાર અકસ્માતમાં ત્રણ ઈન્ડિયન સ્ટૂડન્ટ્સના મોત થઈ ગયા છે, આ ત્રણેય યુવક ગત મંગળવારે જોબ પર જઈ રહ્યા હતા ત્યારે તેમને આ અકસ્માત નડ્યો હતો. અકસ્માત બાદ કારમાં આગ લાગી ગઈ હતી અને ત્રણેયમાંથી એકેય તેમાંથી બહાર નહોતા આવી શક્યા. બ્રેવર્ડ કાઉન્ટીમાંથી પસાર થતાં ઈન્ટરસ્ટેટ ૯૫ પર પામ બેમાં થયેલા આ અકસ્માતમાં ત્રણ ઈન્ડિયન્સ જે કારમાં સવાર હતા તે એક ઝાડ સાથે અથડાઈ ગઈ હતી જેમાં આગળની સીટ પર બેઠેલા બે લોકો ઘટનાસ્થળે જ મોતને ભેટ્યા હતા જ્યારે પાછળની સીટ પર બેઠેલા રાહુલ નામના સ્ટૂડન્ટનું અકસ્માત સ્થળે જ મોત થયું હતું તેવું પોલીસનું કહેવું છે પરંતુ તેના પરિવારજનો એવું કહી રહ્યા છે કે રાહુલે સારવાર દરમિયાન દમ તોડ્યો હતો. રાહુલના પરિવારજનોને બુધવારે સવારે ત્રણેક વાગ્યાની આસપાસ આ ઘટનાની જાણ કરવામાં આવી હતી. રાહુલ અમેરિકામાં માસ્ટર્સ પૂરું કર્યા બાદ PhD શરૂ કરવાનો હતો, તે હજુ ત્રણ મહિના પહેલા જ તેની બહેનના લગ્નમાં સામેલ થવા માટે ઈન્ડિયા આવ્યો હતો.
અકસ્માતમાં મોતને ભેટેલા આ ત્રણેય સ્ટૂડન્ટ્સ તેલંગાણા અને આંધ્રપ્રદેશના રહેવાસી હતા અને અમેરિકામાં ભણવાની સાથે પાર્ટ ટાઈમ જોબ્સ કરી રહ્યા હતા. અન્ય બે મૃતકોની ઓળખ સુબ્રમણ્યમ અને અનીલ તરીકે કરવામાં આવી છે. રાહુલના પિતા હરિ બાબુએ આ અંગે અમારા સાથી અખબાર ટાઈમ્સ ઓફ ઈન્ડિયા સાથે વાત કરતા જણાવ્યું હતું કે તેઓ પોતાના દીકરાના અંતિમ સંસ્કાર ઈન્ડિયામાં કરવા માગે છે અને તેના પાર્થિવ દેહને અમેરિકાથી લાવવામાં તેલુગુ અસોસિએશન તેમની મદદ કરી રહ્યું છે. તેના ફેમિલી મેમ્બર્સે એમ પણ કહ્યું હતું કે ભણવાનું પૂરું થયા બાદ ડોક્ટરેટ કરવા માટે રાહુલ અમેરિકામાં જ રોકાઈ ગયો હતો અને તે સાઉથ ફલોરિડામાં રહેતો હતો.
ફલોરિડા હાઈવે પેટ્રોલના જણાવ્યા અનુસાર આ અકસ્માત માઈલ માર્કર ૧૭૨ નજીક સવારે ૯.૪૯ મિનિટે સર્જાયો હતો. ત્રણેય ઈન્ડિયન સ્ટૂડન્ટ્સ હ્યુન્ડાઈ એલાન્ટ્રામાં સવાર હતા જે લ્ય્-૫૧૪ની સેન્ટ્રલ લેન સાઉથમાં ઉત્તર દિશા તરફ જઈ રહી હતી. જોકે, તે વખતે કાર ચાલકે સ્ટિયરિગ પરથી કાબૂ ગુમાવતા ગાડી રોડ પરથી સ્લીપ થઈ એક ઝાડ સાથે ધડાકાભેર અથડાઈ હતી અને તેમાં આગ ફાટી નીકળી હતી. પોલીસનું એવું પણ કહેવું છે કે ત્રણેય મૃતકો ઘટનાસ્થળે જ મોતને ભેટ્યા હતા. જોકે, તેમની કાર કયા સંજોગોમાં રસ્તા પરથી સ્લીપ થઈ ગઈ તેની તપાસ હજુ ચાલુ છે, કારની બીજા કોઈ વ્હીકલ સાથે ટક્કર થઈ રહી હતી કે કેમ તે પણ હજુ સુધી સ્પષ્ટ નથી થઈ શક્યું.
(9:57 AM IST)
છેલ્લા 8 દિવસમાં સૌથી લોકપ્રિય 
