નવી દિલ્હી :  નેશનલ ઇન્વેસ્ટિગેશન એજન્સી (NIA) એ દિલ્હીની રાઉઝ એવન્યુ કોર્ટમાં સાત વિદેશી નાગરિકો વિરુદ્ધ ચાર્જશીટ દાખલ કરી છે. આ આરોપીઓમાં અમેરિકી નાગરિક મેથ્યુ એરોન વાન ડાઇક અને છ યુક્રેનિયન નાગરિકોનો સમાવેશ થાય છે. તેમના પર મ્યાનમારના વંશીય સશસ્ત્ર જૂથો સાથે સંબંધો રાખીને ભારત વિરોધી અને બળવાખોર દળોને લશ્કરી તેમજ ડ્રોન તાલીમ આપવાનું ષડયંત્ર રચવાનો ગંભીર આરોપ મૂકવામાં આવ્યો છે.

સ્પેશિયલ જજ પ્રશાંત શર્મા સમક્ષ દાખલ કરાયેલી આ ચાર્જશીટમાં ઇમિગ્રેશન અને વિદેશી કાયદાની કલમ ૨૧ અને ૨૩ હેઠળ વિઝા નિયમોનું ઉલ્લંઘન, ગેરકાયદેસર પ્રવેશ અને સંરક્ષિત વિસ્તારોમાં અવરજવરના આરોપો મૂકવામાં આવ્યા છે.