તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
યુરેનિયમ સોંપો, વળતર નહીં મળે સંપત્તિ અનફ્રીઝ નહીં થાય
અમેરિકાએ ઈરાનના તાજેતરના શાંતિ પ્રસ્તાવના જવાબમાં પાંચ કડક શરતો મૂકી
નવી દિલ્હી તા.૧૮: ઈરાન અને અમેરિકા વચ્ચે ચાલી રહેલા તણાવ અને શાંતિ વાર્તાના પ્રયાસો વચ્ચે એક મોટી ઘટના સામે આવી છે. ઈરાનની અર્ધ-સરકારી ન્યૂઝ એજન્સી ફાર્સના જણાવ્યા અનુસાર, અમેરિકાએ ઈરાનના તાજેતરના શાંતિ પ્રસ્તાવના જવાબમાં પાંચ કડક શરતો મૂકી દીધી છે. આ શરતોને કારણે બંને દેશો વચ્ચે ફરી એકવાર રાજકીય અને રાજદ્વારી હલચલ વધી ગઈ છે.
જો કે, આ શરતો અંગે હજુ સુધી વોશિંગ્ટન (અમેરિકા) કે તેહરાન (ઈરાન) તરફથી કોઈ સત્તાવાર નિવેદન બહાર પાડવામાં આવ્યું નથી, પરંતુ આ શરતોએ બંને દેશો વચ્ચે શાંતિની આશાઓને મોટો ઝટકો આપ્યો છે.
ઇરાની મીડિયાના જણાવ્યા અનુસાર, અમેરિકાએ ઇરાનના પ્રસ્તાવને પલટી નાંખ્યો છે અને જે શરતો મૂકી છે તે આ પ્રકારે છેઃ
૧. યુદ્ધનું કોઈ નુકસાન વળતર નહીં: અમેરિકાએ ઈરાનને કોઈપણ પ્રકારનું વળતર કે યુદ્ધની નુકસાની ચૂકવવાનો સ્પષ્ટ ઈનકાર કરી દીધો છે.
૨. યુરેનિયમ સોંપવાની શરતઃ ઈરાને પોતાની પાસે રહેલું ૪૦૦ કિલોગ્રામ સંવર્ધિત યુરેનિયમ (Enriched Uranium) અમેરિકાને સોંપવું પડશે.
૩. પરમાણુ કેન્દ્રો પર પ્રતિબંધઃ ઈરાનને પોતાના દેશમાં માત્ર એક જ પરમાણુ પ્લાન્ટ (કેન્દ્ર) ચાલુ રાખવાની મંજૂરી આપવામાં આવશે.
૪. સંપત્તિ મુક્ત કરવાનો ઈનકારઃ અમેરિકાએ વિદેશોમાં જપ્ત કરાયેલી ઈરાનની સંપત્તિ અને ફંડને મુક્ત કરવાની માંગણી ફગાવી દીધી છે.
૫. શરતો સાથે યુદ્ધવિરામઃ વિવિધ મોરચે યુદ્ધવિરામને (સીઝફાયર) ત્યારે જ આગળ વધારવામાં આવશે, જ્યારે બંને પક્ષો વચ્ચે સત્તાવાર વાતચીત શરૂ થઈ જશે.
૮ એપ્રિલના રોજ બંને પક્ષો વચ્ચે યુદ્ધવિરામ (સીઝફાયર) પર સહમતી સધાઈ હતી. આ પછી ૧૧ અને ૧૨ એપ્રિલના રોજ ઇસ્લામાબાદ (પાકિસ્તાન) ખાતે બંને દેશો વચ્ચે વાતચીતનો પ્રથમ તબક્કો યોજાયો હતો, જે અનિર્ણિત રહ્યો હતો. છેલ્લા કેટલાક અઠવાડિયાથી પાકિસ્તાન દ્વારા બંને દેશો એકબીજાને સતત પ્રસ્તાવના ડ્રાફટ મોકલી રહ્યા છે, પરંતુ અમેરિકાની આ શરતો આવ્યા પછી હવે રસ્તો વધુ મુશ્કેલ બની ગયો છે
(9:59 AM IST)
છેલ્લા 8 દિવસમાં સૌથી લોકપ્રિય 
