તામિલનાડુ વિધાનસભા ચૂંટણીના પરિણામો પહેલાં જ રાજકીય ગરમાવો તેજ બની ગયો છે. તાજેતરના પ્રવાહો અને વિવિધ માધ્‍યમોમાં વહેતા થયેલા અહેવાલો મુજબ, તામિલનાડુમાં આ વખતે કોઈ પણ એક પક્ષને સરકાર બનાવવા માટે જરૂરી સ્‍પષ્ટ બહુમતી મળે તેવા અણસાર દેખાઈ રહ્યા નથી. પરિણામે રાજ્‍યમાં ત્રિશંકુ વિધાનસભા રચાય તેવી પ્રબળ શકયતાઓ સેવાઈ રહી છે.

આ પરિસ્‍થિતિને જોતા તમામ મુખ્‍ય પક્ષોએ અત્‍યારથી જ પડદા પાછળ ગઠબંધન અને ટેકો મેળવવા માટેની કવાયત શરૂ કરી દીધી છે. સત્તા મેળવવા માટે નાના પક્ષો અને અપક્ષ ઉમેદવારોની ભૂમિકા અત્‍યંત નિર્ણાયક બની રહેશે તેવું માનવામાં આવે છે. લોકોનો મિશ્ર પ્રતિસાદ દર્શાવે છે કે મતદાતાઓ કોઈ એક પક્ષ પર સંપૂર્ણ પસંદગી ઉતારી શકયા નથી. આ અહેવાલો બાદ રાજકીય છાવણીઓમાં ભારે ઉત્તેજના વ્‍યાપી ગઈ છે.