મુંબઈ : બોલીવુડ અભિનેતા સોહેલ ખાને રિયાલિટી શો 'એલાયન્સ'ના તાજેતરના એપિસોડમાં પોતાની ભૂતપૂર્વ પત્ની સીમા સજદેહ સાથેના છૂટાછેડા વિશે વાત કરતા જણાવ્યું હતું કે કામના દબાણ અને માનસિક અસ્વસ્થતાને કારણે તેમણે આ સંબંધ ગુમાવ્યો હતો.

તેમના અલગ થવા વિશે ખુલીને વાત કરતા, સોહેલે કહ્યું, "તે સમયે, કામ થીક નહીં ચલ રહા થા, તેથી હું યોગ્ય માનસિક સ્થિતિમાં નહોતો. મારા વર્તનને કારણે, મેં એક એવી વ્યક્તિને ગુમાવી જેને હું ખરેખર પ્રેમ કરતો હતો." તેમણે ઉમેર્યું, "તે મારા બે સુંદર બાળકોની માતા છે, તેથી પ્રેમ કરતાં વધુ, મને સીમા માટે ખૂબ જ આદર છે. આ શોએ અમને એકબીજા સાથે વાત કરવા અને વિશ્વાસ કરવા માટે પાછા ભેગા કર્યા છે."

સીમાએ પણ આ શોમાં તેમને પોતાના "એકમાત્ર સાથી" ગણાવ્યા છે. હાલમાં સોહેલ અને સીમા ભલે અલગ રહેતા હોય, પરંતુ બંને પોતાના પુત્રો નિર્વાણ અને યોહાનના સહ-પાલન માટે એકબીજા સાથે સૌહાર્દપૂર્ણ સંબંધ જાળવી રહ્યા છે, જેમાં સીમા અઠવાડિયામાં ત્રણવાર તેમના ઘરે પણ જાય છે.

૧૯૯૮માં લગ્ન કરનાર આ દંપતી ૨૦૨૨માં કાયદેસર રીતે અલગ થયું હતું. છૂટાછેડા બાદ પણ સીમા ખાન પરિવારના કાર્યક્રમોમાં સક્રિયપણે જોવા મળે છે, જે બંને વચ્ચેના મજબૂત પરસ્પર આદર અને પરિપક્વતા દર્શાવે છે.