નવી દિલ્‍હી, તા. ૬:  દિલ્‍હીમાં દિવાળી પછી હવાની ગુણવત્તા ખરાબ થતી હોય છે, પરંતુ આ વર્ષે દિવાળી પહેલાં જ હવા ઝેરીલી બની ચૂકી છે. સતત ચોથા દિવસે દિલ્‍હીમાં હવાને પ્રદૂષણ માજા મૂકી છે. દિલ્‍હીના અમુક વિસ્‍તારોમાં એક્‍યૂઆઈ ઈન્‍ડેક્ષ ૪૫૦ને પાર પહોંથી ગયો હતો. મોટાભાગના વિસ્‍તારોમાં હવાની ગુણવત્તા કથળી ગઈ હતી અને ખરાબ, અતિ ખરાબના લેવલે પહોંચી ગઈ હતી. દરમિયાન સેટેલાઈટ તસવીરોના આધારે થયેલો ખુલાસો વધારે ચિતાજનક છે.