તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
સિંગાપોરનો પાસપોર્ટ વિશ્વનો સૌથી શક્તિશાળી પાસપોર્ટ
પાસપોર્ટ રેન્કિંગમાં ભારત ૮૧મા ક્રમે : અફઘાનિસ્તાન યાદીમાં તળિયે ૧૦૪મું સ્થાનઃ પાકિસ્તાન ૧૦૧મા ક્રમે
દુબઈ તા.૨૩: તાજેતરના હેનલી પાસપોર્ટ ઇન્ડેક્સમાં સિગાપોર ફરી એકવાર પ્રભુત્વ ધરાવે છે. સિગાપોરનો પાસપોર્ટ વિશ્વનો સૌથી શક્તિશાળી પાસપોર્ટ રહ્યો છે, ત્યારબાદ યુએઈ અને યુરોપિયન દેશોનો ક્રમ આવે છે. પાસપોર્ટ રેન્કિંગમાં ભારત ૮૧મા ક્રમે છે. ભારત લાંબા સમયથી ૭૫ થી ૮૫મા ક્રમે છે. પાકિસ્તાન અને બાંગ્લાદેશ એવા દેશોમાં સામેલ છે જેમના પાસપોર્ટ વિશ્વમાં સૌથી નબળા છે.
હેનલી પાસપોર્ટ ઇન્ડેક્સ પાસપોર્ટને તેમના પાસપોર્ટ ધારકો અગાઉના વિઝા વિના કેટલા સ્થળોની મુલાકાત લઈ શકે છે તેના આધારે રેન્ક આપે છે. ઉચ્ચ પાસપોર્ટ રેન્કિંગ તે દેશના નાગરિકો માટે સરળ આંતરરાષ્ટ્રીય મુસાફરી સૂચવે છે. ભારત ૮૧મા ક્રમે છે. ભારતીય પાસપોર્ટ ધારકોને ૫૫ દેશોમાં વિઝા-મુક્ત પ્રવેશ મળે છે.
વિશ્વના સૌથી શક્તિશાળી પાસપોર્ટ
૧- સિગાપોર (૧૯૨ સ્થળો માટે વિઝા-મુક્ત અથવા વિઝા-ઓન-અરાઇવલ એક્સેસ)
૨- જાપાન, દક્ષિણ કોરિયા, સંયુક્ત આરબ અમીરાત (UAE) (૧૮૮ સ્થળો)
૩- સ્વીડન (૧૮૭ સ્થળો)
૪- બેલ્જિયમ, ડેનમાર્ક, ફિનલેન્ડ, ફ્રાન્સ, જર્મની, આયર્લેન્ડ, ઇટાલી, લક્ઝમબર્ગ, નેધરલેન્ડ, નોર્વે, સ્પેન (૧૮૬ સ્થળો)
૫- ઓસ્ટ્રિયા, ગ્રીસ, માલ્ટા, પોર્ટુગલ, સ્વિટ્ઝર્લેન્ડ (૧૮૫ સ્થળો)
નવા હેનલી ઇન્ડેક્સમાં સિગાપોર પ્રથમ ક્રમે છે. સિગાપોરનો પાસપોર્ટ ૧૯૨ સ્થળો માટે વિઝા-મુક્ત પ્રવેશ આપે છે. જાપાન, UAE અને દક્ષિણ કોરિયાના પાસપોર્ટ (સંયુક્ત રીતે બીજા સ્થાને) ૧૮૮ દેશોમાં વિઝા-મુક્ત પ્રવેશ આપે છે. સ્વીડન યાદીમાં ત્રીજા ક્રમે છે, તેના પાસપોર્ટ દ્વારા ૧૮૭ દેશોમાં પ્રવેશ મળે છે.
UAE માટે, તેના પાસપોર્ટે વિશ્વના સૌથી શક્તિશાળી મુસાફરી દસ્તાવેજોની યાદીમાં બીજું સ્થાન મેળવ્યું છે. હેનલી પાસપોર્ટ ઇન્ડેક્સના ૨૦ વર્ષના ઇતિહાસમાં આ સૌથી મોટો વધારો છે. છેલ્લા ૨૦ વર્ષમાં, એટલે કે ૨૦૦૬ થી, UAE પાસપોર્ટમાં ૧૫૩ વિઝા-મુક્ત સ્થળોનો ઉમેરો થયો છે. આ કોઈપણ પાસપોર્ટ માટે સૌથી મોટો સુધારો છે.
બે દાયકા પહેલા, ૨૦૦૬ માં, UAE પાસપોર્ટ વૈશ્વિક રેન્કિંગમાં મધ્યમાં હતો, જે ફક્ત ૩૫ સ્થળોની ઍક્સેસ પ્રદાન કરતો હતો. આજે, તે વિશ્વના સૌથી શક્તિશાળી મુસાફરી દસ્તાવેજોમાંનો એક બની ગયો છે (ફક્ત સિગાપોર પછી), ૧૮૮ સ્થળોની એક્સેસ પ્રદાન કરતો હતો.
ભારતના પડોશી દેશોની વાત કરીએ તો, અફઘાનિસ્તાન યાદીમાં તળિયે છે (૧૦૪મું). પાકિસ્તાન ૧૦૧મું સ્થાન ધરાવે છે. પાકિસ્તાનથી નીચે ફક્ત ત્રણ દેશો છેઃ નેપાળ ૯૮મું અને બાંગ્લાદેશ ૯૭મું સ્થાન ધરાવે છે. બાંગ્લાદેશ અને ઉત્તર કોરિયાના પાસપોર્ટ સમાન ક્રમે છે. યુદ્ધગ્રસ્ત ઈરાન ૯૬મા ક્રમે છે અને શ્રીલંકા ૯૪મા ક્રમે છે. ચીન ૬૦મા ક્રમે છે.
(10:18 AM IST)
છેલ્લા 8 દિવસમાં સૌથી લોકપ્રિય 
