​નવી દિલ્હી:વૈશ્વિક કોર્પોરેટ જગત અને ખાસ કરીને એનર્જી સેક્ટરમાં એક ઐતિહાસિક સોદો પાર પડ્યો છે. વિશ્વની અગ્રણી ઓઇલ અને ગેસ જાયન્ટ કંપની શેલ (Shell PLC) દ્વારા કેનેડાની જાણીતી એનર્જી ઉત્પાદક કંપની આર્ક રિસોર્સીસ લિમિટેડને ખરીદી લેવાની સત્તાવાર જાહેરાત કરવામાં આવી છે. આ સોદો અંદાજે ૧૩.૬ અબજ ડોલર (અબજો રૂપિયા) માં નક્કી થયો છે, જે છેલ્લા દસ વર્ષમાં તેલ ક્ષેત્રે થયેલી સૌથી મોટી ડીલ માનવામાં આવે છે.

​આ મહાકાય સોદાથી શેલ કંપનીના ગેસ અને તેલના કુદરતી અનામત ભંડારમાં મોટો વધારો થશે અને વૈશ્વિક બજારમાં તેની પકડ વધુ મજબૂત બનશે. કેનેડિયન કંપનીના સંસાધનો હવે શેલના નેજા હેઠળ આવશે, જેનાથી આગામી સમયમાં ઉર્જાના ઉત્પાદન અને સપ્લાય ચેઈન પર મોટી અસર જોવા મળશે તેમ બજારના નિષ્ણાતો માની રહ્યા છે.