યુક્રેનમાં શાળાની ઇમારત પર બોમ્બમારોઃ ૩૩ લોકોના મોત
યુક્રેનિયન રાષ્ટ્રપતિ ઝેલેન્સકીએ એક ભયાનક હુમલો ગણાવ્યો
કિવ,તા.૪: રશિયાએ દક્ષિણપૂર્વ યુક્રેનમાં એક શાળાની ઇમારત પર ઘાતક હુમલો કર્યો છે, જેમાં ઓછામાં ઓછા ૩૩ લોકો માર્યા ગયા છે. યુક્રેનિયન રાષ્ટ્રપતિ વોલોડીમીર ઝેલેન્સકીએ આ હુમલાની જાણ કરતા તેને યુદ્ધ દરમિયાનના સૌથી ઘાતક હુમલાઓમાંનો એક ગણાવ્યો છે. ઝેલેન્સકીએ કહ્યું કે ઇમારત પર ઓછામાં ઓછા નવ બોમ્બ ફેંકવામાં આવ્યા હતા. આ હુમલો ઝાપોરિઝ્ઝિયા પ્રદેશના કોમિશુવાખામાં થયો હતો. સ્થાનિક ગવર્નર મિખૈલો સેમકિને કહ્યું કે ઇમારતનો ઉપયોગ લોકોને આશ્રય આપવા અને માનવતાવાદી સહાય વિતરણ કરવા માટે થઈ રહ્યો હતો.
આ હુમલામાં ઓછામાં ઓછા ૩૩ લોકોના મોતની પુષ્ટિ કરવામાં આવી છે, જ્યારે આશરે ૫૦ ગુમ થયાના અહેવાલ છે અને તેમની શોધ ચાલી રહી છે. ઝેલેન્સકીએ તેને ભયાનક હુમલો ગણાવ્યો અને કહ્યું કે પહેલો હુમલો એક શાળાની ઇમારત પર થયો જેનો ઉપયોગ રાહત સામગ્રીનું વિતરણ કરવા માટે થઈ રહ્યો હતો. ત્યારબાદ નવ વધુ બોમ્બ ફેંકાયા. આવા હુમલાઓને ડબલ ટેપ તરીકે ઓળખવામાં આવે છે. આ હુમલામાં ઇમારતના તે ભાગને નિશાન બનાવવામાં આવ્યો હતો જ્યાં લોકોએ આશ્રય લીધો હતો.
ગવર્નર સેમકિને કહ્યું કે મોટાભાગના મૃતકો ભોંયરામાં હતા. મોટાભાગના હુમલાઓનો સામનો કરવા માટે તેને ચ્શ્ ની સહાયથી ડિઝાઇન કરવામાં આવ્યું હતું, પરંતુ બોમ્બના જોરથી માળખું તૂટી પડ્યું અને આગ લાગી.
ગયા વર્ષે EU ની સહાયથી આ આશ્રયસ્થાન બનાવવામાં આવ્યું હતું. તેનો હેતુ યુદ્ધ દરમિયાન પણ વર્ગો ચાલુ રાખવાનો હતો. જો કે, જેમ જેમ લડાઈ વધતી ગઈ, ઘણા નાગરિકોએ તે વિસ્તાર છોડી દીધો, અને હવે તેનો ઉપયોગ શાળાને બદલે વહીવટી કેન્દ્ર અને રાહત સહાય કેન્દ્ર તરીકે થઈ રહ્યો છે.
દરમિયાન, એક સોશિયલ મીડિયા પોસ્ટમાં, ઝેલેન્સકીએ દાવો કર્યો હતો કે તેમને ગુપ્તચર અહેવાલો મળ્યા છે જે દર્શાવે છે કે રશિયા ઊર્જા અને લોજાિસ્ટિક્સને લક્ષ્ય બનાવીને બીજો મોટો હુમલો કરવાની તૈયારી કરી રહ્યું છે. ઝેલેન્સકીએ જણાવ્યું હતું કે વિશ્વનું ધ્યાન યુએસ મધ્યવર્તી ચૂંટણીઓ પર કેન્દ્રિત રહેશે, અને યુક્રેનમાં શું થઈ રહ્યું છે તેના પર કોઈ ધ્યાન આપવામાં આવશે નહીં.(
(10:32 AM IST)
છેલ્લા 8 દિવસમાં સૌથી લોકપ્રિય 
