​મુંબઈ: બોલિવૂડ અભિનેતા સંજય દત્તે ફરી એકવાર પોતાના લોકપ્રિય ફિલ્મ પાત્ર 'મુન્નાભાઈ'ના અંદાજમાં દેશના રાજકીય અને સામાજિક મુદ્દાઓ પર પોતાની ખાસ શૈલીમાં વ્યંગ કર્યો છે. શેખર સુમનના સુપ્રસિદ્ધ શો 'શેખર ટુનાઈટ'ના ગાંધી જયંતિ વિશેષ એપિસોડમાં સંજય દત્તને પાંચ મિનિટ માટે ભારતના વડાપ્રધાન તરીકે કલ્પના કરીને દેશની જનતાને સંબોધન કરવા કહેવામાં આવ્યું હતું. ત્યારબાદ તેણે મુન્નાભાઈની ટિપિકલ બોલી અને અંદાજમાં રમૂજી છતાં ગંભીર કટાક્ષ સાથેનો મેસેજ આપ્યો હતો.

​સંજય દત્તે પોતાના સંબોધનની શરૂઆતમાં દેશની વર્તમાન સ્થિતિ અંગે ચિંતા વ્યક્ત કરતાં કહ્યું કે, ભારતના લોકો ખૂબ જ પ્રેમાળ, મોટા દિલવાળા અને મહેમાનનવાજી કરનારા છે, પરંતુ હવે તેમને પોતાના દેશમાં પહેલાં જેવી શાંતિ અનુભવાતી નથી. તેણે ભગવાન શિવને પ્રાર્થના કરી કે દેશમાં ફરીથી એ શાંતિપૂર્ણ દિવસો પાછા આવે. ‘મુન્નાભાઈ’ સ્ટાઇલમાં PM બનેલા સંજુ બાબાએ કટાક્ષ કરતાં કહ્યું કે, "મારા પ્રિય દેશવાસીઓ, હું વડાપ્રધાન બનીને ખૂબ ખુશ છું. પરંતુ ચિંતા ન કરતા, હું દેશની ખુશી મનાવવા વારંવાર વિદેશ નહીં જાઉં, પણ દેશના લોકોની વચ્ચે જ રહીશ." તેની આ વાતને વડાપ્રધાન નરેન્દ્ર મોદીના વિદેશ પ્રવાસો પર કરાયેલા પરોક્ષ વ્યંગ તરીકે જોવામાં આવી રહી છે.
​વધુમાં, તેણે નેતાઓની તસવીરો લગાવવા અંગે કટાક્ષ કરતા જણાવ્યું કે, જો તે વડાપ્રધાન બને તો સરકારી જગ્યાઓ પર વડાપ્રધાનના પોતાના ફોટા ઓછા કરીને દેશ અને મહાત્મા ગાંધીના ફોટા વધુ લગાવશે, કારણ કે નેતાઓનો ફોટો જોઈને જનતાને કંઈ મળવાનું નથી. આ સાથે ગાંધીજીના ત્રણ વાંદરાઓનો ઉલ્લેખ કરી તેણે એક ‘ચોથો વાંદરો’ ઉમેરવાની વાત પણ કરી હતી, જેના મતે કોઈ ખરાબ બાબત દેખાય તો તેને આંખ-કાન બંધ કરવાને બદલે સુધારવાની જવાબદારી પણ હોવી જોઈએ.

​શોના અંતમાં સંજય દત્તે અમેરિકાના પૂર્વ રાષ્ટ્રપતિ ડોનાલ્ડ ટ્રમ્પને પણ પોતાના અનોખા અંદાજમાં સંદેશ આપ્યો હતો. તેણે ટ્રમ્પને 'ટ્રમ્પ મામૂ' કહીને સંબોધતા કહ્યું કે, દુનિયામાં પહેલેથી જ ઘણી મિસાઇલો છે, તેથી હવે થોડો પ્રેમ 'એક્સપોર્ટ' કરો. કોઈને ધમકી આપવાને બદલે ઘરે બોલાવીને ચા પીતા-પીતા વાતચીતથી ઉકેલ લાવો. અંતમાં તેણે રમૂજી અંદાજમાં કહ્યું હતું કે, "ટ્રમ્પ મામૂ, અપુન આ રેલા હૈ જાદૂ કી ઝપ્પી દેને