નવી દિલ્‍હી તા.૧૨: મંગળવારે શરૂઆતના કારોબારમાં ભારતીય રૂપિયો ૩૫ પૈસા ઘટીને ૯૫.૬૩ ના સર્વકાલીન નીચલા સ્‍તરે પહોંચી ગયો છે અમેરિકા અને ઈરાન વચ્‍ચે વધતા તણાવ અને સોદાની આશાઓ ઓછી થવાથી ક્રૂડ ઓઈલના ભાવમાં વધારાને કારણે સ્‍થાનિક ચલણ પર દબાણ વધ્‍યું છે. આંતરબેંક વિદેશી વિનિમય બજારમાં અમેરિકન ડોલર સામે રૂપિયો ૯૫.૫૭ પર ખુલ્‍યો અને પછી ૯૫.૬૩ ના સર્વકાલીન નીચલા સ્‍તરે આવ્‍યો જે તેના પાછલા બંધ સ્‍તરથી ૩૫ પૈસાનો ઘટાડો દર્શાવે છે.

સોમવારે રૂપિયો ૭૯ પૈસા ઘટીને અમેરિકન ડોલર સામે ૯૫.૨૮ ના રેકોર્ડ નીચલા સ્‍તરે બંધ થયો હતો. દરમિયાન, છ મુખ્‍ય ચલણો સામે યુએસ ડોલરની સ્‍થિતિ દર્શાવતો ડોલર ઇન્‍ડેક્‍સ ૦.૧૯ ટકાના વધારા સાથે ૯૮.૧૪ પર હતો. સ્‍થાનિક શેરબજારોમાં, શરૂઆતના કારોબારમાં સેન્‍સેક્‍સ ૫૨૫.૪૪ પોઈન્‍ટ ઘટીને ૭૫,૪૮૯.૮૪ પોઈન્‍ટ પર પહોંચ્‍યો, જ્‍યારે નિફટી ૧૬૪.૫ પોઈન્‍ટ ઘટીને ૨૩,૬૫૧.૩૫ પોઈન્‍ટ પર પહોંચ્‍યો.

આંતરરાષ્ટ્રીય સ્‍ટાન્‍ડર્ડ બ્રેન્‍ટ ક્રૂડનો ભાવ ૦.૮૫ ટકા વધીને ઼૧૦૫.૧૦ પ્રતિ બેરલ પર પહોંચ્‍યો. શેરબજારના ડેટા અનુસાર, વિદેશી સંસ્‍થાકીય રોકાણકારો (FII) સોમવારે વેચવાલ રહ્યા હતા અને ૮,૪૩૭ કરોડ રૂપિયાના શેર વેચ્‍યા હતા.