મુંબઈ,તા.૧: મુંબઈના કોટન ગ્રીન વિસ્‍તારમાં એક મોબાઈલ રિપેરમેનને GST અને આવકવેરા વિભાગ તરફથી રૂ.૩૧.૮૦ કરોડની બાકી ચુકવણીનો આરોપ લગાવતી નોટિસ મળતાં તે ચોંકી ગયો હતો.ત્‍યારબાદ મિકેનિક, મહેન્‍દ્ર મહાપંકરે આર્થિક ગુના શાખા (EOW)નો સંપર્ક કર્યો હતો અને આરોપ લગાવ્‍યો હતો કે તેમના નામે ખોલવામાં આવેલી કંપની દ્વારા નાણાકીય વ્‍યવહારો કરવા માટે તેમની ઓળખ અને દસ્‍તાવેજોનો દુરુપયોગ કરવામાં આવ્‍યો હતો.

ફરિયાદના આધારે, કાલાચોકી પોલીસ સ્‍ટેશનમાં સંજય તાંબે, તેના મિત્ર સુભાન કુરેશી અને તેમના સહયોગીઓ વિરુદ્ધ ભારતીય દંડ સંહિતા (IPC), ૧૮૬૦ ની કલમ ૪૦૬, ૪૨૦, ૧૨૦(B), અને ૫૦૬(૨) હેઠળ FIR નોંધવામાં આવી છે. વધુ તપાસ ચ્‍બ્‍ષ્‍ ને સોંપવામાં આવી છે.

પોલીસ સૂત્રોના જણાવ્‍યા અનુસાર, કાલાચોકી વિસ્‍તારના રહેવાસી મ્‍હાપંકર કોટન ગ્રીનમાં એક નાની મોબાઇલ રિપેર શોપ ચલાવે છે. કોવિડ-૧૯ રોગચાળા દરમિયાન, તે BMC ક્‍લીન-અપ માર્શલ તરીકે કામ કરતો હતો, જ્‍યાં તે કથિત રીતે તાંબેને મળ્‍યો હતો, જે તે સમયે ક્‍લીન-અપ માર્શલ તરીકે પણ કામ કરતો હતો.

મ્‍હાપંકરે આરોપ લગાવ્‍યો કે તાંબેએ પાછળથી તેમને સાથે મળીને વ્‍યવસાય શરૂ કરવાનું સૂચન કર્યું અને પ્રોજેક્‍ટ માટે જરૂરી દસ્‍તાવેજો એકત્રિત કર્યા. આ દસ્‍તાવેજોનો ઉપયોગ કથિત રીતે બેંક ખાતું ખોલવા અને બાદમાં મ્‍હાપંકરના નામે 'ગેલેક્‍સી ટ્રેડર્સ' શરૂ કરવા માટે કરવામાં આવ્‍યો હતો. GST અને આવકવેરાની નોટિસ ઇમેઇલ દ્વારા મળી હતી અને તે મ્‍હાપંકરના ચાર્ટર્ડ એકાઉન્‍ટન્‍ટ (CA) દ્વારા પણ ધ્‍યાનમાં આવી હતી.

ફરિયાદીએ આરોપ લગાવ્‍યો હતો કે તાંબે, કુરેશી અને તેમના સહયોગીઓએ તેમની જાણ બહાર ગેલેક્‍સી ટ્રેડર્સ દ્વારા નાણાકીય વ્‍યવહારો કરવાનું કાવતરું ઘડ્‍યું હતું. ફરિયાદ મુજબ, ગેલેક્‍સી ટ્રેડર્સનું GST ખાતું કેનેરા બેંક અને એક્‍સિસ બેંકમાં ખાતાઓ સાથે જોડાયેલું હતું, જેના દ્વારા વ્‍યવહારો કરવામાં આવ્‍યા હતા.

ફરિયાદમાં જણાવાયું છે કે જ્‍યારે મ્‍હાપંકરે આ વ્‍યવહારોનો વિરોધ કર્યો હતો, ત્‍યારે કુરેશીએ તેમને કથિત રીતે મારી નાખવાની ધમકી આપી હતી. મ્‍હાપંકરે વધુમાં આરોપ લગાવ્‍યો હતો કે તેમના નામે ખોલવામાં આવેલી કંપની દ્વારા કરોડો રૂપિયાના નાણાકીય વ્‍યવહારો કરવામાં આવ્‍યા હતા, જેના પરિણામે રૂ.૩૧,૮૦,૦૫,૭૦૯ નો GST બાકી હતો. તેમણે આરોપ લગાવ્‍યો હતો કે આ વ્‍યવહારોથી તેમને અને સરકારને નાણાકીય નુકસાન થયું છે