નવી દિલ્‍હી, તા.૨: ગયા સપ્તાહે શેરબજારમાં ધમાલ મચાવ્‍યા પછી, રિલાયન્‍સ ગ્રુપે આ સપ્તાહની શરૂઆતમાં એક રેકોર્ડ બનાવ્‍યો. ૨ નવેમ્‍બરના રોજ રિલાયન્‍સ ઇન્‍ડસ્‍ટ્રીઝના શેરમાં ૮% થી વધુનો ઉછાળો આવ્‍યો, જેનાથી કંપનીનું માર્કેટ કેપ પહેલી વાર રૂ.૧૭ લાખ કરોડને વટાવી ગયું. કંપનીના શેરમાં ૬ વર્ષમાં આ સૌથી મોટો ઉછાળો છે. અગાઉ, રિલાયન્‍સ ગ્રુપની કંપની જિયો પ્‍લેટફોર્મ્‍સે ગયા અઠવાડિયે શેરબજારમાં શાનદાર એન્‍ટ્રી કરી હતી. કંપનીના શેર તેના ત્‍ભ્‍બ્‍ ભાવ કરતાં ૨૨%  પ્રીમિયમ પર લિસ્‍ટ થયા હતા.

રિલાયન્‍સ ઇન્‍ડસ્‍ટ્રીઝે તેના ત્રિમાસિક પરિણામોમાં રેકોર્ડ નફો નોંધાવ્‍યા પછી, બ્રોકરેજ તેના શેર પર તેજીમાં છે, જેનો આજે રોકાણકારોને ફાયદો થયો છે. ટ્રેડિંગના કલાકોમાં જ, શેરમાં ૮% થી વધુનો ઉછાળો આવ્‍યો. એપ્રિલ ૨૦૨૦ પછી આ કંપનીનું સૌથી મજબૂત પ્રદર્શન છે. રિલાયન્‍સના શેરમાં થયેલા ઉછાળાએ તેને નિફ્‌ટીમાં ટોચના ગેઇનર બનાવ્‍યા છે. રિલાયન્‍સના શેર ઇન્‍ટ્રાડે ૮.૧% વધીને રૂ.૧,૨૫૯ થયા છે, જેનાથી તેનું માર્કેટ કેપ રૂ.૧૭.૦૫ લાખ કરોડ થયું છે.

ગયા અઠવાડિયે જ્‍યારે રિલાયન્‍સે તેના ત્રિમાસિક પરિણામો જાહેર કર્યા, ત્‍યારે તેની આવક ૨૮% વધીને રૂ.૩.૬૨ લાખ કરોડ થઈ, જે રેકોર્ડ ઉચ્‍ચ સ્‍તર છે. કંપનીનો EBITDA પણ ૨૪% વધીને રૂ.૬૨,૪૦૯ કરોડ થયો છે. ચોખ્‍ખો નફો પણ પાછલા વર્ષ કરતાં ૩૪% વધીને રૂ.૨૯,૫૫૦ કરોડ થયો. આ મજબૂત પરિણામ બાદ, બ્રોકરેજ કંપનીઓમાં શેરની માંગ અને રેટિંગમાં વધારો થયો.

બ્રોકરેજ કંપનીઓ શું કહે છેઃ ગોલ્‍ડમેન સૅક્‍સ અને નોમુરાએ રિલાયન્‍સ ઇન્‍ડસ્‍ટ્રીઝ માટે તેમનું બાય રેટિંગ જાળવી રાખ્‍યું છે અને કંપની માટે વધુ વળદ્ધિની આગાહી કરી છે. ગોલ્‍ડમેન સૅક્‍સે રિલાયન્‍સના શેર માટે રૂ.૧,૮૪૦ નો લક્ષ્યાંક ભાવ નક્કી કર્યો છે, જે શુક્રવારના રૂ.૧,૧૬૪.૯૦ ના બંધ ભાવ કરતાં લગભગ ૫૮% વધારે છે. બ્રોકરેજ કંપનીએ જણાવ્‍યું હતું કે કંપનીનો બીજા ક્‍વાર્ટરનો EBITDA તેના અંદાજ કરતાં ૯% વધારે હતો. નોમુરાએ રૂ.૧,૫૬૦ નો લક્ષ્યાંક ભાવ નક્કી કર્યો છે અને કહ્યું છે કે કંપનીનો EBITDA તેની અપેક્ષા કરતાં ૯% વધારે હતો.