કોંગ્રેસના વરિષ્ઠ નેતા રાહુલ ગાંધીને વર્ષ ૨૦૧૮ના ચર્ચિત માનહાનિના મામલામાં સ્‍પેશિયલ એમપી-એમએલએ કોર્ટ તરફથી બહુ મોટો કાનૂની વિજય મળ્‍યો છે. ઉત્તર પ્રદેશના સુલતાનપુરની વિશેષ અદાલતે તત્‍કાલીન ભાજપના રાષ્ટ્રીય પ્રમુખ અને વર્તમાન ગૃહમંત્રી અમિત શાહ વિરુદ્ધ વાંધાજનક ટિપ્‍પણી કરવાના આરોપમાંથી રાહુલ ગાંધીને સંપૂર્ણપણે નિર્દોષ જાહેર કર્યા છે. કોર્ટના આ સીમાચિﾎરૂપ નિર્ણયથી કોંગ્રેસ છાવણીમાં ખુશીની લહેર દોડી ગઈ છે.

આ મામલો વર્ષ ૨૦૧૮ની કર્ણાટક વિધાનસભા ચૂંટણી દરમિયાન બેંગલુરુમાં યોજાયેલી એક પ્રેસ કોન્‍ફરન્‍સ સાથે જોડાયેલો હતો, જેમાં રાહુલ ગાંધીએ ભાજપના તત્‍કાલીન પ્રમુખ અમિત શાહ પર કથિત રીતે વિવાદાસ્‍પદ આક્ષેપો કર્યા હતા. આ ટિપ્‍પણીથી નારાજ થઈને સુલતાનપુરના સ્‍થાનિક ભાજપ નેતા વિજય મિશ્રાએ ઓગસ્‍ટ ૨૦૧૮માં રાહુલ ગાંધી વિરુદ્ધ ક્રિમિનલ માનહાનિની કેસ દાખલ કર્યો હતો. લાંબા સમયથી ચાલી રહેલી કાનૂની લડાઈ બાદ, રાહુલ ગાંધી પોતે આ ચુકાદા માટે સુલતાનપુર અદાલતમાં રૂબરૂ હાજર રહ્યા હતા.

રાહુલ ગાંધીના વકીલ કાશી પ્રસાદ શુક્‍લાએ ચુકાદા બાદ માધ્‍યમો સાથે વાત કરતા જણાવ્‍યું હતું કે, સ્‍પેશિયલ એમપી-એમએલએ કોર્ટે તમામ પુરાવાઓ, દલીલો અને કાનૂની પાસાઓને ધ્‍યાનમાં રાખીને રાહુલ ગાંધીને નિર્દોષ મુક્‍ત કરવાનો ઓર્ડર આપ્‍યો છે. રાહુલ ગાંધી તરફથી અદાલતમાં રજૂઆત કરાઈ હતી કે તેમના નિવેદનને ખોટી રીતે રજૂ કરવામાં આવ્‍યું હતું. તમામ પક્ષોની દલીલો સાંભળ્‍યા બાદ અદાલતે કોંગ્રેસ નેતાની વિરુદ્ધના આક્ષેપો ફગાવી દઈને તેમને કાનૂની શિખંડીમાંથી કાયમી મુક્‍તિ આપી છે.