નવી દિલ્હી : 80મા સ્વતંત્રતા દિવસના અવસરે પ્રધાનમંત્રી મોદીએ લાલ રંગની પાઘડી પહેરી. તેમણે સતત 13મી વાર લાલ કિલ્લા પરથી ભાષણ આપ્યું. આ દરમિયાન તેમણે પાછલી સરકારો પર નિશાન સાધ્યું અને પોતાના 12 વર્ષના કાર્યકાળની સિદ્ધિઓ ગણાવી હતી સ્વતંત્રતા દિવસના અવસરે પીએમ મોદીની પાઘડી હંમેશાં ચર્ચામાં રહી છે.જાણો  2014થી લઈને 2026 સુધી પીએમ મોદીએ કયા રંગની પાઘડી પહેરી છે

પીએમ મોદીએ આ વખતે લાલ રંગની પાઘડી પહેરી છે. આ સાથે ભૂરા રંગની જેકેટ પણ પહેરી. પીએમ મોદીનો સાફો હંમેશાંની જેમ આ વખતે પણ ચર્ચામાં રહ્યો.

2025માં પીએમ મોદીએ ભગવા રંગની પાઘડી પહેરી હતી. આ સાથે તેમની જેકેટ પણ ભગવા રંગની હતી. તેમજ તેમના ડ્રેસમાં તિરંગાની પ્રિન્ટ પણ હતી.

2024માં પીએમ મોદીએ બે રંગની પાઘડી પહેરી હતી, જેમાં ભગવાની સાથે લીલો રંગ પણ હતો. આ સાથે તેમણે વાદળી રંગની સદરી પહેરી હતી. તેમનો આ લુક પણ ચર્ચામાં રહ્યો હતો.

2023માં પ્રધાનમંત્રી મોદીએ બાંધણી પ્રિન્ટવાળી રાજસ્થાની પાઘડી પહેરી હતી, જેમાં અનેક રંગો હતા. લાલ, પીળા, લીલા અને જાંબલી રંગની આ પાઘડી સાથે તેમણે કાળા રંગની જેકેટ પહેરી હતી.

2022માં પ્રધાનમંત્રી વાદળી રંગની જેકેટ અને તિરંગા પ્રિન્ટવાળી પાઘડીમાં જોવા મળ્યા હતા. તેમણે આ પાઘડીને અલગ શૈલીમાં બાંધી પણ હતી. તેમનો સ્ટાઇલ પણ ચર્ચામાં રહ્યો હતો.

2021માં પીએમ મોદીની પાઘડી કેસરી અને લાલ રંગની પેટર્નમાં હતી. આ વર્ષે તેમણે આછા વાદળી રંગની જેકેટ પહેરી હતી. તેમની લાંબી દાઢીવાળો આ લુક ખૂબ ચર્ચામાં રહ્યો હતો.

2020માં પીએમ મોદીએ કેસરી રંગની પાઘડી પહેરી હતી, જેમાં ક્રીમ કલરની પ્રિન્ટ પણ હતી. આ સાથે જ તેમણે ક્રીમ કલરની જેકેટ પણ પહેરી હતી.

પીએમ મોદીએ 2019માં જટિલ ભરતકામથી સજ્જ રાજસ્થાની પાઘડી પહેરી હતી. તેમાં લાલ, પીળો અને લીલો રંગ હતો.

2018માં પીએમ મોદીની પાઘડી ભગવા રંગની હતી. આ રંગ સાહસનું પ્રતીક છે.

2017માં પીએમ મોદીએ ક્રીમ કલરની જેકેટ સાથે લાલ રંગની પાઘડી પહેરી હતી.

2016માં ગુલાબી અને પીળા રંગની ટાઈ-ડાઈ પાઘડી પહેરી હતી. પાઘડીની ખાસિયત તેની અનોખી ડિઝાઇન હતી, જેમાં અનેક રંગોનું મિશ્રણ હતું.

2015માં ક્રિસ-ક્રોસ રાજસ્થાની શૈલીની પાઘડી પહેરી હતી. તેમાં પીળા રંગની સાથે-સાથે લાલ અને ઘાટા લીલા રંગના શેડ્સ શામેલ હતા.

2014માં મોદીએ પ્રધાનમંત્રી તરીકે પોતાના પહેલા સ્વતંત્રતા દિવસે પરંપરાગત રાજસ્થાની બંધેજ પાઘડી પહેરી હતી.