નવી દિલ્હી તા.૨૬ : કેન્દ્રીય મંત્રી ધર્મેન્દ્ર પ્રધાનનાં રાજીનામાની રાજનીતિ ગરમાતા જ પંજાબની ‘આપ’ સરકાર પર પણ દબાણ વધી ગયું છે. ભાજપ દ્વારા પંજાબમાં ડ્રગ્સ, કાયદો-વ્યવસ્થા અને ભ્રષ્ટાચારના મુદ્દે સત ઘેરવામાં આવી રહેલી ભગવંત માન સરકારે હવે કેબિનેટમાં ફેરબદલના સંકેત આપ્યા છે.

સૂત્રોના જણાવ્યા અનુસાર પંજાબના મુખ્યમંત્રી ભગવંત માન અને ‘આપ’ના રાષ્ટ્રીય સંયોજક અરવિંદ કેજરીવાલ વચ્ચે તાજેતરમાં લાંબી બેઠક થઈ હતી. આ બેઠકમાં પંજાબ સરકારના કેટલાક મંત્રીઓની કામગીરીને લઈને અસંતોષ વ્યક્ત કરવામાં આવ્યો.

ખાસ કરીને છેલ્લા કેટલાક મહિનાઓથી વિવાદોમાં ઘેરાયેલા અને જનતામાં નબળી છાપ ધરાવતા 2 મંત્રીઓને હટાવવાની ચર્ચા જોરશોરમાં છે.

કેમ વધ્યું દબાણ?વિપક્ષનો હુમલો*: ધર્મેન્દ્ર પ્રધાનનાં રાજીનામા બાદ ભાજપે ‘આપ’ સરકારને પંજાબના મુદ્દે વધુ આક્રમક રીતે ઘેરવાનું શરૂ કર્યું છેકામગીરીથી નારાજગી*: પાર્ટીની અંદરથી પણ કેટલાક મંત્રીઓની કામગીરીથી નારાજગીના અહેવાલો સામે આવી રહ્યા છે2027ની તૈયારી*: 2027ની વિધાનસભા ચૂંટણી પહેલા છબી સુધારવા માટે સરકાર તાજા ચહેરાઓને તક આપવા માંગે

માનવામાં આવી રહ્યું છે કે આવતા અઠવાડિયે કેબિનેટમાં ફેરબદલની જાહેરાત થઈ શકે છે. 2 મંત્રીઓ પાસેથી રાજીનામા લેવામાં આવી શકે છે અને તેમની જગ્યાએ નવા ધારાસભ્યોને મંત્રી બનાવવામાં આવી શકે છે.

‘આપ’ હાઇકમાન્ડે પંજાબ એકમ પાસે તમામ મંત્રીઓની કામગીરીનો રિપોર્ટ પણ માંગ્યો છે. હવે કોની રજા થાય છે અને કોને તક મળે છે તેના પર સૌની નજર છે.