વડાપ્રધાન નરેન્દ્રભાઈ  મોદીએ તેમના 'મન કી બાત' કાર્યક્રમમાં પર્યાવરણને બચાવવાના પ્રયાસોને બિરદાવતા જણાવ્યું હતું કે લોકો પ્રકૃતિના રક્ષણ અને જૈવ વિવિધતાના સંરક્ષણ માટે એકસાથે મળીને કામ કરી રહ્યા છે. આ દરમિયાન તેમણે અમદાવાદના ભાડજ ખાતે યોજાયેલા સામૂહિક વૃક્ષારોપણ અભિયાનનો વિશેષ ઉલ્લેખ કરતા જણાવ્યું કે અહીં માત્ર એક જ કલાકમાં ૨૫ હજાર લોકોએ એકસાથે જોડાઈને ૩ લાખ છોડ રોપવાનો અદ્ભુત રેકોર્ડ બનાવ્યો છે