બગદાદ,તા.૦૩: ઈરાકનું રાજકારણ હાલમાં ભ્રષ્ટાચાર વિરોધી અભિયાનોના કારણે ગરમાયેલું છે. સોશિયલ મીડિયા પર એક મહિલા સાંસદ હિદ અલ-અબ્‍બાસીના ઘરે થયેલા દરોડાના સમાચાર અને તેમાં જપ્ત થયેલા સામાનના લિસ્‍ટે આખા દેશ અને દુનિયામાં હલચલ મચાવી દીધી છે. દાવો કરવામાં આવે છે કે તેમના ઘરમાંથી ૫૭ મિલિયન અમેરિકી ડોલર (લગભગ ૪૯૦ કરોડ) રોકડા, ૨૭ કિલોગ્રામ શુદ્ધ સોનું અને સોનામાંથી બનાવેલી બ્રા-પેન્‍ટી જેવી લક્‍ઝરી આઈટમ જપ્ત થઈ છે. હકીકતમાં જોઈએ તો, ઈરાક સરકાર ભ્રષ્ટાચાર અને મની લોન્‍ડ્રિંગ વિરુદ્ધ મોટું અભિયાન ચલાવી રહી છે. આ અભિયાન અંતર્ગત કેટલાય સાંસદો અને અધિકારીઓના ઘરે દરોડા પાડવામાં આવ્‍યા છે. તસવીરો અનુસાર, હિદ અલ-અબ્‍બાસી આમાંથી એક છે. રિપોર્ટ્‍સ અનુસાર, તેમના ઘરમાંથી મોટી માત્રામાં રોકડ અને સોનું મળ્‍યું છે. અમુક રિપોર્ટ્‍સમાં જણાવ્‍યા અનુસાર, તેમના ઘરમાંથી સોનાની બ્રા અને પેન્‍ટી પણ મળી છે.

 ઈરાકી મીડિયા અને સોશિયલ મીડિયા પ્‍લેટફોર્મ પર શેર કરવામાં આવેલી તસવીરોમાં રોકડા, સોનાની ઈંટો અને લક્‍ઝરી સામાન દેખાઈ રહ્યો છે. પણ શું સાંસદ હિદ અલ અબ્‍બાસીને આ તસવીરો સાથે કંઈ લેવા દેવા છે?

જાણકારી અનુસાર ઈરાકી સરકારની રેડમાં એક સાથે ૪૭થી વધારે શંકાસ્‍પદોની ધરપકડ કરી છે, જેમાં સાંસદ અને તેમના અધિકારી સામેલ છે. સૌથી વધારે ચર્ચા સોનાથી બનાવેલી બ્રા અને પેન્‍ટીને લઈ થઈ રહી છે. વાયરલ પોસ્‍ટમાં તેને ગોલ્‍ડન અંડરગારમેન્‍ટ્‍સ કહી રહ્યા છે. જો કે કેટલાય ફેક્‍ટ ચેકર્સ અને સૂત્રોનું કહેવું છે કે આ ભાગ સંપૂર્ણપણે વેરિફાઈડ નથી. અમુક રિપોર્ટ્‍સ તેને લક્‍ઝરી ગોલ્‍ડ આઈટમ્‍સ તરીકે ગણાવી રહ્યા છે, જ્‍યારે અમુક તેને વધારે પડતું ગણાવી રહ્યા છે.

અન્‍ય સાંસદો પર પણ દરોડા પડ્‍યા આ કાર્યવાહી ખાલી એક સાંસદ સુધી મર્યાદિત નથી રહી. સાંસદ આલિયા નાસિફના ઘરેથી પણ ૨૦ અબજ ઈરાકી દીનાર (લગભગ ૧૫.૫ મિલિયન ડોલર) અને સોનું જપ્ત થયું છે. આલિયા અને તેમના દીકરાની તો ધરપકડ પણ થઈ છે. કેટલાય રિપોર્ટ્‍સ અનુસાર, સોનાની બ્રા અને પેન્‍ટી આ સાંસદના ઘરેથી મળ્‍યા છે. કૂલ મળીને આ અભિયાનમાં કરોડો રૂપિયાની સંપત્તિ જપ્ત થઈ છે.

ઈરાકના પ્રધાનમંત્રીએ ભ્રષ્ટાચાર પર ઝીરો ટોલરન્‍સ નીતિની વાત કહી છે. સરકારનું કહેવું છે કે દેશને નવી શરૂઆતની જરૂર છે અને ભ્રષ્ટ તત્‍વોને છોડવામાં નહીં આવે. કાઉન્‍ટર ટેરરિઝમ યુનિટ્‍સે ગ્રીન ઝોન સહિત કેટલીય જગ્‍યા પર દરોડા પાડ્‍યા છે. તસવીરો વાયરલ થતાં જ કોમેન્‍ટમાં ચોંકાવનારી વાતો સામે આવી રહી છે.

સચ્‍ચાઈ શું છે? ભ્રષ્ટાચાર વિરોધી અભિયાન અને દરોડાના સમાચાર સાચા છે. રોકડ અને સોનાની જપ્તી થઈ હોવાનું પણ કેટલા મીડિયા સોર્સેઝમાં છે. પણ સોનાની બ્રા અને પેન્‍ટી સહિત અમુક ખાસ દાવાની હજુ સત્તાવાર પુષ્ટિની રાહ જોવાઈ રહી છે. ઈરાકી અધિકારીઓએ દરેક ડિટેલની પુષ્ટિ નથી કરી. ઈરાક લાંબા સમયથી ભ્રષ્ટાચારની સમસ્‍યાથી ઝઝૂમી રહ્યું છે. તેલ સંપન્ન દેશમાં રાજનીતિક અને સરકારી પદો પર બેઠેલા લોકો અઢળક સંપત્તિ એકઠી કરીને બેઠા છે. આ અભિયાન સરકારની ઈમેજ સુધારવા અને પારદર્શિતા લાવવાની કોશિશ માની રહ્યા છે.