સાન ફ્રાન્સિસ્કો : Nvidia ના CEO જેન્સેન હુઆંગ તાજેતરમાં એક મોટા વિવાદમાં ફસાયા બાદ તેમની પત્ની લોરી મિલ્સ ઉર્ફે લોરી હુઆંગ અચાનક ચર્ચાના કેન્દ્રમાં આવી ગયા છે. જેન્સેન હુઆંગ પર ચીની ગુપ્તચર એજન્સી સાથે જોડાયેલી હોવાની શંકાસ્પદ એલિસ હુઆંગ સાથેના અફેરના અહેવાલો વચ્ચે બેવફાઈની કબૂલાત કરવાના મામલાએ ટેક્નોલોજી જગતમાં ખળભળાટ મચાવી દીધો છે, જેના પગલે જેન્સેને પોતાના પરિવાર અને પત્નીની માફી માંગતા આ મામલો વૈશ્વિક સ્તરે ચર્ચાનો વિષય બન્યો છે.
લોરી મિલ્સ ૧૯૮૦ ના દાયકાની શરૂઆતમાં ઓરેગોન સ્ટેટ યુનિવર્સિટીમાં ઇલેક્ટ્રિકલ એન્જિનિયરિંગનો અભ્યાસ કરતી વખતે જેન્સેનને મળ્યા હતા, જ્યાં તેઓ લેબ પાર્ટનર તરીકે સાથે જોડાયા હતા. તે સમયે જેન્સેનની ઉંમર ૧૭ વર્ષ અને લોરીની ઉંમર ૧૯ વર્ષ હતી, અને ૧૯૮૫ માં લગ્ન કર્યા બાદ આ દંપતીના બે બાળકો સ્પેન્સર અને મેડિસન છે, જેઓ હાલ Nvidia માં જ કાર્યરત છે. મોટાભાગે લાઈમલાઈટથી દૂર રહેતી લોરી હુઆંગ 'જેન-હસુન અને લોરી હુઆંગ ફાઉન્ડેશન'ના પ્રમુખ તરીકે સેવા આપી રહી છે, જેની અંદાજિત સંપત્તિ ૯.૨ બિલિયન ડૉલર સુધી પહોંચી છે.
આ ફાઉન્ડેશન દ્વારા લોરી શિક્ષણ, વૈજ્ઞાનિક સંશોધન, આરોગ્યસંભાળ અને AI4ALL જેવી વિવિધ પહેલોને સમર્થન આપીને સામાજિક ઉત્થાનના કાર્યોમાં સક્રિય યોગદાન આપે છે, જેમાં ઓરેગોન સ્ટેટ, વેન્ડરબિલ્ટ અને સ્ટેનફોર્ડ જેવી યુનિવર્સિટીઓને મોટું દાન સામેલ છે. પડદા પાછળ રહીને પરોપકારના કાર્યો સંભાળતી લોરીનું જીવન અને ૪૧ વર્ષનું લગ્નજીવન આ મુશ્કેલ સમયમાં પણ ભારે ચર્ચામાં રહ્યું છે.
આ સમગ્ર વિવાદ બાદ ટેક ઉદ્યોગમાં અને પારિવારિક મોરચે જેન્સેન હુઆંગ માટે મુશ્કેલીઓ વધી છે, અને આગામી સમયમાં આ મામલે કંપનીના સંચાલન તેમજ વ્યક્તિગત જીવન પર કેવી અસરો પડે છે તે તરફ સૌની નજર ટકેલી છે.