તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
હવે ખેડૂતોએ સરકાર સામે મોરચો માંડયોઃ હજારોની દિલ્હી કૂચ
ખેડૂતોની સૌથી મોટી માંગણી એ છે કે ભારત અને અમેરિકા વચ્ચે પ્રસ્તાવિત એફટીએ તરત રદ કરવામાં આવે : આજે હવે પંજાબથી હજારો ખેડૂતો આજે દિલ્હી કૂચ માટે શંભુ બોર્ડર પર ભેગા થઈ રહ્યા છે
નવી દિલ્હી તા.૨૧: કાલે કોકરોચ જનતા પાર્ટીના આંદોલન બાદ આજે હવે પંજાબથી હજારો ખેડૂતો આજે દિલ્હી કૂચ માટે શંભુ બોર્ડર પર ભેગા થઈ રહ્યા છે. આ પ્રદર્શન ભારત અને અમેરિકા વચ્ચે પ્રસ્તાવિત મુક્ત વેપાર સંધિ એટલે કે જ્વ્ખ્ વિરુદ્ધ થઈ રહ્યું છે. આ સંધિ રદ કરવાની માંગણીને લઈને દેશ બચાવો મોરચાએ આ આંદોલન ચલાવ્યું છે. આ બધા વચ્ચે સોમવારે ભારતીય કિસાન યુનિયન (ચઢૂની)ના પ્રમુખ ગુરનામ સિહ ચઢુનીને દિલ્હીમાં પ્રસ્તાવિત કિસાન મહાપંચાયતમાં સામેલ થવા માટે જતા સમયે હરિયાણા પોલીસે અટકમાં પણ લીધા હતા.
વિસ્તારમાં સુરક્ષા કડક કરવામાં આવી છે અને ભારતીય ન્યાય સંહિતાની કલમ ૧૬૩ લાગૂ કરાઈ છે. બંને તરફથી રસ્તાઓ પર બેરિકેડ લગાવવામાં આવ્યા છે અને વાહનોની અવરજવર સંપૂર્ણ રીતે રોકવામાં આવી છે. અમૃતસર અને ગુરદાસપુરમાં ખેડૂતોનો કાફલો શંભુ બોર્ડર પહોંચવાની તૈયારીમાં છે. ખેડૂતોની સૌથી મોટી માંગણી એ છે કે ભારત અને અમેરિકા વચ્ચે પ્રસ્તાવિત એફટીએ તરત રદ કરવામાં આવે.
ખેડૂતોનું કહેવું છે કે જો આ સમજૂતિ થઈ જશે તો તેની સીધી અસર ભારતીય ખેતી, ડેરી ઉદ્યોગ અને ગામડાઓમાં રહેતા લોકોની રોજીરોટી પર પડશે. તેમનું માનવું છે કે વિદેશી ઉત્પાદનોના આવવાથી દેશના ખેડૂતોને ભારે નુકસાન થશે અને નાના ખેડૂતોનું કામકાજ ઠપ થઈ શકે છે.
પ્રદર્શનમાં સામેલ થવા માટે સંયુક્ત કિસાન મોરચા બિનરાજકીય અને કિસાન મજદૂર મોરચાના નેતા પણ જલદી પહોંચવાના છે. ખેડૂતોના નેતા સરવન સિહ પંઢેર પણ આ આંદોલનનો ભાગ છે અને તેમની હાજરીને આ પ્રદર્શન માટે મહત્વની ગણવામાં આવી રહી છે. પ્રશાસને કોઈ પણ અપ્રિય ઘટનાને પહોંચી વળવા માટે પોલીસ ફોર્સ તૈનાત કરી છે. જો કે ગત આંદોલનની સરખામણીમાં આ વખતે પોલીસ ફોર્મની સંખ્યા વધુ નથી.
શંભુ બોર્ડર પર સુરક્ષા વ્યવસ્થા જોતા સ્પષ્ટ છે કે પ્રશાસન કોઈ પણ પ્રકારની અવ્યવસ્થા સર્જાય તે ઈચ્છતું નથી. જ્યારે બીજી બાજુ ખેડૂત સંગઠનોનું કહેવું છે કે જ્યાં સુધી સરકાર તેમની માંગણીઓ પર ધ્યાન ન આપે ત્યાં સુધી આંદોલન ચાલુ રહેશે. આ સમગ્ર ઘટનાક્રમ પર દેશની નજર છે કારણ કે આ મામલો સીધી રીતે ખેડૂતોની આર્થિક સ્થિતિ અને દેશની વેપાર નીતિ સાથે જોડાયેલો છે. આવનારા કલાકોમાં સ્થિતિ કેવી રહેશે તેના પર બધાની નજર છે.
(9:53 AM IST)
છેલ્લા 8 દિવસમાં સૌથી લોકપ્રિય 
