નવી દિલ્હી :એસોસિએશન ફોર ડેમોક્રેટિક રિફોર્મ્સ (ADR) ના એક અહેવાલ મુજબ, પશ્ચિમ બંગાળ વિધાનસભાની ચૂંટણીના બીજા તબક્કામાં ચૂંટણી લડી રહેલા લગભગ 23 ટકા ઉમેદવારોએ પોતાની સામે ફોજદારી કેસ હોવાનું સ્વીકાર્યું છે, જ્યારે 22 ટકા ઉમેદવારો કરોડપતિ છે. રિપોર્ટમાં વિશ્લેષણ કરાયેલા 1,445 ઉમેદવારોમાંથી, 338 (23 ટકા) ઉમેદવારોએ પોતાની સામે ફોજદારી કેસ હોવાનું સ્વીકાર્યું છે, અને 295 (20 ટકા) ઉમેદવારો સામે ગંભીર ફોજદારી કેસ છે.