તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
૩ પત્નીઓ અને ૫૩ બેન્ક-ખાતાંઓ ધરાવતો કરોડપતિ પ્યુન પકડાયો
પ્યુનની પૂછપરછમાં જે તથ્યો બહાર આવી રહ્યાં છે એ ચોંકાવનારાં
પીલીભીત,તા.૧૭: ઉત્તર પ્રદેશના પીલીભીતમાં સરકારી સ્કૂલમાં કામ કરતા ઇલ્હામ ઉર રહમાન શમ્સી નામના એક પ્યુનની પૂછપરછમાં જે તથ્યો બહાર આવી રહ્યાં છે એ ચોંકાવનારાં છે. પ્યુનનું કામ કરતો હોવા છતાં ઇલ્હામ પાસે કરોડોની સંપત્તિ છે. તેણે સંપત્તિને સગેવગે કરવા માટે તેની ત્રણ પત્નીઓ અને એક સંબંધી મહિલાના બેન્ક-અકાઉન્ટ્સનો ઉપયોગ કર્યો છે. ઇલ્હામે આ પૈસા સરકારી સ્કીમોમાં ઉચાપત કરીને મેળવ્યા હોવાનું પોલીસને ખબર પડી છે. તેની સાથે સંકળાયેલાં લગભગ ૫૩ બેન્ક-ખાતાં પકડાયાં છે જેમાં શંકાસ્પદ રીતે કરોડો રૂપિયાની લેવડદેવડ થઈ છે અને હાલમાં એમાં લગભગ કુલ ૫.૨૮ કરોડ રૂપિયા જમા છે જેને ફ્રીઝ કરી દેવામાં આવ્યા છે. આ પ્યુનનાં કાળાં કામોને બહાર લાવવા માટે જિલ્લાના શિક્ષણ-અધિકારીઓએ ચાર સભ્યોની ટીમ બનાવી છે
(1:40 PM IST)
છેલ્લા 8 દિવસમાં સૌથી લોકપ્રિય 
