કોલકાતા: પશ્ચિમ બંગાળ વિધાનસભા ચૂંટણી ૨૦૨૬માં ભારતીય જનતા પાર્ટી (BJP) ની જંગી જીત બાદ મમતા બેનર્જીની તૃણમૂલ કોંગ્રેસમાં સર્જાયેલો આંતરિક બળવો હવે ચરમસીમાએ પહોંચી ગયો છે. પાર્ટીના ૮૦ નવા ચૂંટાયેલા ધારાસભ્યોમાંથી ૫૮ ધારાસભ્યોએ સ્પીકર રથેન્દ્રનાથ બોઝના ચેમ્બર તરફ કૂચ કરીને બળવો જાહેર કરતાં જ પૂર્વ સાંસદ મહુઆ મોઇત્રાનો ગુસ્સો ફાટી નીકળ્યો છે. મોઇત્રાએ અલગ થયેલા આ જૂથ પર પક્ષદ્રોહ અને મતદારો સાથે વિશ્વાસઘાત કરવાનો ગંભીર આરોપ લગાવીને બંગાળના રાજકારણમાં નવો ભૂકંપ લાવી દીધો છે.

સમાચાર એજન્સી 'એએનઆઈ' સાથેની વાતચીતમાં મહુઆ મોઇત્રાએ બળવાખોર ધારાસભ્યોને આડે હાથ લેતા પડકાર ફેંક્યો હતો કે, આ તમામ નેતાઓ મમતા બેનર્જીના ચહેરા અને ટીએમસીના પ્રતીક પર ચૂંટણી જીત્યા છે. જનતાએ તેમને ભાજપ વિરોધી નીતિઓ માટે ૪૧ ટકા મતો આપ્યા હતા, તેથી તેઓ હવે કાયદેસરની સ્વાયત્તતાનો દાવો કરી શકે નહીં. જો તેમનામાં સહેજ પણ નૈતિકતા હોય, તો તેઓ તાત્કાલિક ધારાસભ્ય પદેથી રાજીનામું આપે અને ભાજપના ગઠબંધનવાળા "બીજેમુલ" પ્રતીક હેઠળ નવેસરથી જનતાની વચ્ચે જઈને ચૂંટણી લડી બતાવે.

પક્ષની શુદ્ધિ પ્રક્રિયા પર ભાર મૂકતા મોઇત્રાએ સ્પષ્ટ કર્યું કે મમતા બેનર્જીએ શૂન્યમાંથી સૃષ્ટિ સર્જી છે અને જેમને પક્ષ છોડવો હોય તેમના માટે દરવાજા ખુલ્લા છે. આ લડાઈમાં ડરપોક લોકો માટે કોઈ સ્થાન નથી. આ સાથે જ તેમણે ચૂંટણી પંચ અને કેન્દ્રીય દળો પર પ્રહારો કરતા આરોપ લગાવ્યો કે, ચૂંટણી પંચે ભાજપની કઠપૂતળી બનીને કામ કર્યું છે, જેમાં કેન્દ્રીય દળોના જોરે મતદાર યાદીમાંથી વિરોધ પક્ષના સમર્થકોના નામો કથિત રીતે કાઢી નાખવામાં આવ્યા હતા.

બંગાળ TMCમાં પ્રચંડ બળવો: મહુઆ મોઇત્રાનો વિસ્ફોટક આક્રોશ : બળવાખોરોને આપી રાજીનામું આપવાની ખુલ્લી ચેલેન્જ

 .......મમતા બેનર્જીના નામે ભાજપ વિરોધી મતો મેળવીને ગદ્દારી કરનારાઓ માટે દરવાજા ખુલ્લા છે, હિમ્મત હોય તો ફરી ચૂંટણી લડી બતાવે

કોલકાતા: પશ્ચિમ બંગાળ વિધાનસભા ચૂંટણી ૨૦૨૬માં ભારતીય જનતા પાર્ટી (BJP) ની જંગી જીત બાદ મમતા બેનર્જીની તૃણમૂલ કોંગ્રેસમાં સર્જાયેલો આંતરિક બળવો હવે ચરમસીમાએ પહોંચી ગયો છે. પાર્ટીના ૮૦ નવા ચૂંટાયેલા ધારાસભ્યોમાંથી ૫૮ ધારાસભ્યોએ સ્પીકર રથેન્દ્રનાથ બોઝના ચેમ્બર તરફ કૂચ કરીને બળવો જાહેર કરતાં જ પૂર્વ સાંસદ મહુઆ મોઇત્રાનો ગુસ્સો ફાટી નીકળ્યો છે. મોઇત્રાએ અલગ થયેલા આ જૂથ પર પક્ષદ્રોહ અને મતદારો સાથે વિશ્વાસઘાત કરવાનો ગંભીર આરોપ લગાવીને બંગાળના રાજકારણમાં નવો ભૂકંપ લાવી દીધો છે.

સમાચાર એજન્સી 'એએનઆઈ' સાથેની વાતચીતમાં મહુઆ મોઇત્રાએ બળવાખોર ધારાસભ્યોને આડે હાથ લેતા પડકાર ફેંક્યો હતો કે, આ તમામ નેતાઓ મમતા બેનર્જીના ચહેરા અને ટીએમસીના પ્રતીક પર ચૂંટણી જીત્યા છે. જનતાએ તેમને ભાજપ વિરોધી નીતિઓ માટે ૪૧ ટકા મતો આપ્યા હતા, તેથી તેઓ હવે કાયદેસરની સ્વાયત્તતાનો દાવો કરી શકે નહીં. જો તેમનામાં સહેજ પણ નૈતિકતા હોય, તો તેઓ તાત્કાલિક ધારાસભ્ય પદેથી રાજીનામું આપે અને ભાજપના ગઠબંધનવાળા "બીજેમુલ" પ્રતીક હેઠળ નવેસરથી જનતાની વચ્ચે જઈને ચૂંટણી લડી બતાવે.

પક્ષની શુદ્ધિ પ્રક્રિયા પર ભાર મૂકતા મોઇત્રાએ સ્પષ્ટ કર્યું કે મમતા બેનર્જીએ શૂન્યમાંથી સૃષ્ટિ સર્જી છે અને જેમને પક્ષ છોડવો હોય તેમના માટે દરવાજા ખુલ્લા છે. આ લડાઈમાં ડરપોક લોકો માટે કોઈ સ્થાન નથી. આ સાથે જ તેમણે ચૂંટણી પંચ અને કેન્દ્રીય દળો પર પ્રહારો કરતા આરોપ લગાવ્યો કે, ચૂંટણી પંચે ભાજપની કઠપૂતળી બનીને કામ કર્યું છે, જેમાં કેન્દ્રીય દળોના જોરે મતદાર યાદીમાંથી વિરોધ પક્ષના સમર્થકોના નામો કથિત રીતે કાઢી નાખવામાં આવ્યા હતા.