સોમવારથી શરૂ થયેલી નાકાબંધી બાદ અમેરિકન નેવીએ ઈરાનના બંદરો પર આવનજાવન કરતા આઠ ક્રૂડ ઓઈલ ટેન્કરોને રોકીને પાછા ફરવાની ફરજ પાડી છે.

વોલ સ્ટ્રીટ જર્નલને અમેરિકન અધિકારીઓએ આપેલી માહિતી અનુસાર, સોમવારે નાકાબંધી શરૂ થયા પછી અમેરિકન નૌકાદળે ઈરાની બંદરો પર પ્રવેશવાનો કે બહાર નીકળવાનો પ્રયાસ કરી રહેલા કુલ આઠ ક્રૂડ ઓઈલ ટેન્કરોને અટકાવ્યા છે. આ તમામ કિસ્સાઓમાં, અમેરિકન દળોએ રેડિયો કમ્યુનિકેશન દ્વારા જહાજના ક્રૂ સભ્યોનો સંપર્ક કર્યો હતો અને તેમને તેમની દિશા બદલીને પાછા ફરવાનો નિર્દેશ આપ્યો હતો. 

અધિકારીઓના જણાવ્યા મુજબ, તમામ ટેન્કરોએ અમેરિકન દળોના આદેશનું પાલન કર્યું હતું, જેને કારણે નૌકાદળના જવાનોને કોઈપણ જહાજ પર ચઢવાની કે બળપ્રયોગ કરવાની કોઈ જરૂર પડી ન હતી. આ પગલું અમેરિકાની કડક નાકાબંધીનું પરિણામ દર્શાવે છે.