અમૃતસર : પંજાબમાં શાંતિ અને સુરક્ષા ડહોળવાનો પાકિસ્તાન અને વિદેશી તત્વોનો વધુ એક દૂષિત પ્રયાસ પંજાબ પોલીસની અમૃતસર રૂરલ ટીમે નિષ્ફળ બનાવ્યો છે. પોલીસે એક મોટી કાર્યવાહી કરીને ગેરકાયદે હથિયારો અને વિસ્ફોટકો સપ્લાય કરતા નેટવર્કનો પર્દાફાશ કર્યો છે. આ કાર્યવાહી દરમિયાન પોલીસે એક આરોપી તસ્કરની ધરપકડ કરી તેની પાસેથી AK-47 રાઇફલ, લાઈવ કારતૂસ (જીવતા કાર્તૂસ), મેગેઝિન અને બે હાથગોળા (હેન્ડ ગ્રેનેડ) કબ્જે કર્યા છે.

​સીમાપારથી ડ્રોન અથવા અન્ય માધ્યમે ઘૂસાડાયા હથિયાર
​પોલીસની પ્રાથમિક તપાસમાં બહાર આવ્યું છે કે કબ્જે કરવામાં આવેલો હથિયારોનો આ જથ્થો પાકિસ્તાન સરહદ પારથી ભારત મોકલવામાં આવ્યો હતો. પંજાબ પોલીસના ડીજીપી ગૌરવ યાદવે જણાવ્યું કે, વિદેશમાં બેઠેલા ભારતવિરોધી તત્વો અને ગેરકાયદે હથિયાર સપ્લાયરો સાથે આરોપી સીધા સંપર્કમાં હતો. આ હથિયારો ક્યાં પહોંચાડવાના હતા અને તેની પાછળ કયા દેશવિરોધી મનસુબા હતા, તે અંગે પોલીસ ઘન તસ્કરી કનેક્શન શોધી રહી છે.

​ઘરીંડા પોલીસ સ્ટેશનમાં ગંભીર ધારા હેઠળ ગુનો નોંધાયો
​આ મામલે અમૃતસરના ઘરીંડા પોલીસ સ્ટેશનમાં આરોપી સામે આર્મ્સ એક્ટ (હથિયાર ધારો) અને એક્સપ્લોસિવ સબસ્ટન્સ એક્ટ (વિસ્ફોટક પદાર્થ અધિનિયમ) ની ગંભીર કલમો હેઠળ એફ.આઈ.આર. (FIR) નોંધી કાનૂની કાર્યવાહી હાથ ધરવામાં આવી છે.

​પોલીસ હાલ આરોપીની કડક પૂછપરછ કરી રહી છે, જેથી આ ગેરકાયદે નેટવર્કના બેકવર્ડ અને ફોરવર્ડ લિંકેજ (હથિયારો ક્યાંથી આવ્યા અને ક્યાં મોકલવાના હતા) નો સંપૂર્ણ ખુલાસો થઈ શકે. વહેલી તકે આ નેટવર્ક સાથે જોડાયેલા અન્ય સાગરીતોની પણ ધરપકડ કરવામાં આવશે તેવું પોલીસે જણાવ્યું છે.