જમ્મુ અને કાશ્મીરના સરહદી જિલ્લા રાજૌરીમાં આતંકવાદીઓ સામે સુરક્ષા દળોને વધુ એક મોટી સફળતા સાંપડી છે. ગુપ્ત બાતમીના આધારે કાર્યરત ૬૦ રાષ્ટ્રીય રાઇફલ્સ (નાગા) ની 'બી' કંપનીએ બુધલ વિસ્તારના દોબા ગલી ખાતે આતંકવાદીઓના એક ગુપ્ત ઠેકાણાનો પર્દાફાશ કર્યો છે. ડુંગરાળ અને જંગલ વિસ્તારમાં ચલાવવામાં આવેલા આ કોર્ડન અને સર્ચ ઓપરેશન દરમિયાન સુરક્ષા દળોએ ઘાતક શસ્ત્રો અને દારૂગોળાનો મોટો ભંડાર જપ્ત કરીને આતંકીઓના કોઈ મોટા ષડયંત્રને નિષ્ફળ બનાવી દીધું છે.

ઘટનાસ્થળેથી હાથ ધરાયેલી તપાસમાં સુરક્ષા દળોને ભારે પ્રમાણમાં વિસ્ફોટકો મળી આવ્યા છે. જેમાં અંડર બેરલ ગ્રેનેડ લોન્ચર  ના ૪ રાઉન્ડ, ૩ અત્યંત ખતરનાક હેન્ડ ગ્રેનેડ, ૨૩૭ એઆર-૪૭ રાઉન્ડ અને પિસ્તોલના ૧૬ જીવંત કારતૂસ શામેલ છે. આ ઉપરાંત, પીકે રાઉન્ડની ૨ બેલ્ટ (જેમાં ૧૦૧ રાઉન્ડ છે), AK-૪૭ ના ૨ મેગેઝિન અને એક બેયોનેટ (રાઇફલ સાથેની છરી) પણ જપ્ત કરવામાં આવી છે. આતંકીઓ દ્વારા ઉપયોગમાં લેવાતી કેરી બેગ અને ગ્રાઉન્ડ શીટ પણ ઘટનાસ્થળેથી મળી આવી છે.

જોકે, આ સમગ્ર સર્ચ ઓપરેશન દરમિયાન કોઈ આતંકવાદીની ધરપકડ થઈ શકી નથી કે તેમની સાથે સીધી અથડામણ થઈ નથી. આ ગુપ્ત ઠેકાણાનો ઉપયોગ ક્યારથી થઈ રહ્યો હતો અને શસ્ત્રોનો આ જથ્થો કયા આતંકી સંગઠને છુપાવ્યો હતો તે અંગે વધુ તપાસ ચાલી રહી છે. સ્થાનિક વિસ્તારમાં સુરક્ષા દળોએ પોતાનું સર્ચ ઓપરેશન વધુ તીવ્ર બનાવી દીધું છે, જેથી આ વિસ્તારમાં છુપાયેલા સંભવિત આતંકવાદીઓ સુધી પહોંચી શકાય.

જમ્મુ-કાશ્મીરમાં સુરક્ષા દળોનું મોટું ઓપરેશન: રાજૌરીમાં આતંકી ઠેકાણાનો કચ્ચરઘાણ : ગ્રેનેડ અને ગોળીઓનો મોટો જથ્થો જપ્ત!
.......૬૦ રાષ્ટ્રીય રાઇફલ્સની સર્ચ કામગીરી દરમિયાન દોબા ગલીના બુધલ વિસ્તારમાંથી ૪ UBGL રાઉન્ડ, ૩ હેન્ડ ગ્રેનેડ અને ૨૩૭ AK-૪૭ રાઉન્ડ સહિતનો વિસ્ફોટક સામાન કબજે લેવાયો

જમ્મુ અને કાશ્મીરના સરહદી જિલ્લા રાજૌરીમાં આતંકવાદીઓ સામે સુરક્ષા દળોને વધુ એક મોટી સફળતા સાંપડી છે. ગુપ્ત બાતમીના આધારે કાર્યરત ૬૦ રાષ્ટ્રીય રાઇફલ્સ (નાગા) ની 'બી' કંપનીએ બુધલ વિસ્તારના દોબા ગલી ખાતે આતંકવાદીઓના એક ગુપ્ત ઠેકાણાનો પર્દાફાશ કર્યો છે. ડુંગરાળ અને જંગલ વિસ્તારમાં ચલાવવામાં આવેલા આ કોર્ડન અને સર્ચ ઓપરેશન દરમિયાન સુરક્ષા દળોએ ઘાતક શસ્ત્રો અને દારૂગોળાનો મોટો ભંડાર જપ્ત કરીને આતંકીઓના કોઈ મોટા ષડયંત્રને નિષ્ફળ બનાવી દીધું છે.

ઘટનાસ્થળેથી હાથ ધરાયેલી તપાસમાં સુરક્ષા દળોને ભારે પ્રમાણમાં વિસ્ફોટકો મળી આવ્યા છે. જેમાં અંડર બેરલ ગ્રેનેડ લોન્ચર  ના ૪ રાઉન્ડ, ૩ અત્યંત ખતરનાક હેન્ડ ગ્રેનેડ, ૨૩૭ એઆર-૪૭ રાઉન્ડ અને પિસ્તોલના ૧૬ જીવંત કારતૂસ શામેલ છે. આ ઉપરાંત, પીકે રાઉન્ડની ૨ બેલ્ટ (જેમાં ૧૦૧ રાઉન્ડ છે), AK-૪૭ ના ૨ મેગેઝિન અને એક બેયોનેટ (રાઇફલ સાથેની છરી) પણ જપ્ત કરવામાં આવી છે. આતંકીઓ દ્વારા ઉપયોગમાં લેવાતી કેરી બેગ અને ગ્રાઉન્ડ શીટ પણ ઘટનાસ્થળેથી મળી આવી છે.

જોકે, આ સમગ્ર સર્ચ ઓપરેશન દરમિયાન કોઈ આતંકવાદીની ધરપકડ થઈ શકી નથી કે તેમની સાથે સીધી અથડામણ થઈ નથી. આ ગુપ્ત ઠેકાણાનો ઉપયોગ ક્યારથી થઈ રહ્યો હતો અને શસ્ત્રોનો આ જથ્થો કયા આતંકી સંગઠને છુપાવ્યો હતો તે અંગે વધુ તપાસ ચાલી રહી છે. સ્થાનિક વિસ્તારમાં સુરક્ષા દળોએ પોતાનું સર્ચ ઓપરેશન વધુ તીવ્ર બનાવી દીધું છે, જેથી આ વિસ્તારમાં છુપાયેલા સંભવિત આતંકવાદીઓ સુધી પહોંચી શકાય.