તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
અમેરિકામાં ગ્રેજ્યુએટ્સ માટે જોબ શોધવાનું મુશ્કેલ બન્યું
૪૦ ટકા ગ્રેજ્યુએટ્સ એવી સામાન્ય નોકરી કરી રહ્યા છે કે જેના માટે ડિગ્રીની કોઈ જરૂર જ નથી
ન્યૂયોર્ક તા.૨૭: અમેરિકન યુનિવર્સિટીની ડિગ્રી હાથમાં હોય તો દુનિયાની કોઈપણ કંપનીમાં સારી જોબ મળી શકે તે દિવસો હવે સમાપ્ત થઈ ગયા છે. એક અંદાજ અનુસાર ગ્રેજ્યુએટ થનારાં લગભગ ૪૦ ટકા સ્ટૂડન્ટ્સ એવી જોબ કરવા મજબૂર છે કે જેના માટે ડિગ્રીની કોઈ જરૂર જ નથી. અમેરિકામાં માંડ સ્કૂલ સુધી ભણ્યા હોય તેવા લોકો જ કોફી શોપ્સ, રેસ્ટોરાં કે સ્ટોર્સમાં કામ કરતા હતા પરંતુ હવે કોલેજ ગ્રેજ્યુએટ્સ પણ સર્વાઈવર જોબ તરીકે ઓળખાતી આ નોકરીઓ માટે લાઈન લગાડી રહ્યા છે. હવે સ્થિતિ એ છે કે મહેનત કરીને ગ્રેજ્યુએટ થનારા લોકો સારી નોકરી ના મળી રહી હોવાથી હતાશ છે.
ડિગ્રીની કોઈ જ વેલ્યૂ ના રહી હોય તેવી સ્થિતિમાં આર્થિક અનિﾍતિતા વચ્ચે યંગ કોલેજ ગ્રેજ્યુએટ્સ માટે જોબ મેળવવું મુશ્કેલ બની રહ્યું છે. એક તરફ નોકરીઓ ઘટી રહી છે તેવામાં આર્ટિફિશિયલ ઈન્ટેલિજન્સે જાણે પડતાં પર પાટું માર્યું હોય તેમ ફ્રેશર્સ માટે જાણે માર્કેટમાં જોબ નથી રહી. અર્થશાષીઓનું માનવું છે કે આ સમસ્યાનું હાલ તુરંત કોઈ સમાધાન આવે તેવી લગભગ કોઈ શક્યતા નથી. પોતાના ફિલ્ડની જોબ ના મળવાથી સ્ટૂડન્ટ્સને ના માત્ર આર્થિક નુક્સાન ભોગવવું પડશે પણ તેની સાથે તેમના માટે એમ્પ્લોયમેન્ટ અપોર્ચ્યુનિટીઝ પણ ઘટતી રહેશે.
ગ્રેજ્યુએટ્સનું એવું માનવું છે કેએઆઇ કારણે માર્કેટમાંથી એન્ટ્રી લેવલની જોબ્સ ગાયબ થઈ રહી છે. જોકે, અર્થશાષીઓનું માનવું છે કે આ વાત સો ટકા સાચી નથી, કારણકે હાલ ગ્રેજ્યુએટ્સને જોબ શોધવામાં જે સમસ્યા થઈ રહી છે તેના માટે ખરેખર તો લેબર માર્કેટની સ્થિતિ જવાબદાર છે. ટેરિફ અને ઈરાન વોર સહિતના પરિબળોને કારણે અમેરિકાની ઈકોનોમી સીધી પ્રભાવિત થઈ રહી છે. માર્કેટમાં લો હાયર, લો ફાયરનો ટ્રેન્ડ ચાલી રહ્યો છે અને મોઘવારી પણ વધી રહી છે, જેથી યંગસ્ટર્સ માટે જોબ અપોર્ચ્યુનિટીઝ ઘટી રહી છે. સામાન્ય રીતે ફ્રેશ ગ્રેજ્યુએટ્સમાં બેરોજગારીનો દર સૌથી ઓછો રહેતો હોય છે, પરંતુ છેલ્લા ત્રણ વર્ષમાં આ ગેપ સતત વધી રહ્યો છે અને હાલ ૫.૬ ટકા પર પહોંચી ગયો છે.
જો કોઈ કંપની પોતાનો બિઝનેસ એક્સપાન્ડ નહીં કરે, જૂના કર્મચારીઓને ફાયર નહીં કરે તો સ્વાભાવિક છે કે નવા લોકો માટે જગ્યા પણ નહીં થાય અને અમેરિકાની મોટાભાગની કંપનીઓમાં હાલ આ જ સ્થિતિ જોવા મળી રહી છે. આમ તો કોઈપણ કામ નાનું નથી હોતું, પરંતુ ગ્રેજ્યુએટ થયા બાદ એન્ટ્રી લેવલની જોબ કરવાનું લાંબા ગાળાનું પરિણામ ગંભીર હોઈ શકે છે, કારણકે ઓછા પગારની નોકરી સ્વીકાર્યા બાદ હાયર સેલેરી બ્રેકેટમાં મૂવ થવું ખૂબ જ ચેલેન્જિંગ બની જાય છે.
અમેરિકાના કેટલાક યંગસ્ટર્સને હવે એવો સવાલ પણ થઈ રહ્યો છે કે જો નોકરીના કશાય ઠેકાણા ના હોય તો કોલેજ ચાલુ રાખવી જોઈએ? આ મામલે ઈકોનોમિસ્ટ્સનું માનવું છે કે યંગસ્ટર્સે ભણવાનું પડતું ના મૂકવું જોઈએ. કારણકે, ડિગ્રી હશે તો લાંબા ગાળે સારી જોબ અને સારો પગાર મળવાના ચાન્સ રહેશે. જોકે, હાલના સમયમાં ગ્રેજ્યુએટ થઈ રહેલા લોકોને કદાચ આ વાત સાચી ના પણ લાગે.
અમેરિકામાં જ્યારે પણ આર્થિક અનિﾍતિતા સર્જાઈ છે તે વખતે ગ્રેજ્યુએટ થનારા લોકોને તેના લાંબા ગાળાના પરિણામ ભોગવવા ડ્યા છે. ૧૯૮૦માં પણ આ જ સ્થિતિ જોવા મળી હતી. ઈકોનોમી પડકારજનક સમયમાંથી પસાર થઈ રહી હોય ત્યારે તેની સૌથી પહેલી અસર એન્ટ્રી લેવલની જોબ્સ પર પડે છે, કારણકે મોટાપાયે કામકાજ ધરાવતી તેમજ સારો પગાર આપતી કંપનીઓ ભરતી ઓછી કરી નાખે છે અને ગ્રેજ્યુએટ્સને નાની અને ઓછો પગાર આપતી ફર્મ્સથી પોતાની કરિયર શરૂ કરવી પડે છે. લો સેલેરીવાળી જોબ્સથી યંગસ્ટર્સના રેઝ્યુમેનો પ્રભાવ ઘટી જાય છે અને તેમના માટે વધુ પગાર વાળી જોબ મેળવવું મુશ્કેલ બને છે. તેમાંય જે લોકો સામાન્ય ઈન્સ્ટિટ્યૂટ્સમાંથી પાસ આઉટ થયા છે તેમને સૌથી વધુ મુશ્કેલીનો સામનો કરવો પડે છે.
બીજી એક સમસ્યા એ છે કે કોવિડ બાદ રિમોટ વર્કમાં વધારો થયો છે, જેના કારણે જેમને જોબ મળી રહી છે તેવા યંગસ્ટર્સને પણ ટ્રેનિગ અને મેન્ટરશિપની અપોર્ચ્યુનિટી નથી મળતી જે તેમની કરિયરને વધુ રિસ્કી બનાવે છે. આ ઉપરાંત ઓછો અનુભવ ધરાવતા હોય અને રિમોટ વર્ક કરતા હોય તેવા યંગ એમ્પ્લોઈઝને મેન્ટર કરવા મુશ્કેલ હોવાથી પણ મોટી કંપનીઓ તેમને બને ત્યાં સુધી જોબ આપવાનું ટાળી રહી છે. આ ઉપરાંત હજુ એ પણ ક્લીયર નથી થઈ રહ્યું કે એઆઇ કારણે જોબ્સ ઘટી રહી છે કે પછી આ ઘટાડો સાયલિકલ છે?
(1:22 PM IST)
છેલ્લા 8 દિવસમાં સૌથી લોકપ્રિય 
