​તેહરાન: અમેરિકાના  પ્રમુખ ડોનાલ્ડ ટ્રમ્પ દ્વારા હોર્મુઝની સામુદ્રધુની (Strait of Hormuz) પર કબજો મેળવવા અને ઈરાનને ઘેરવાના નિવેદનો બાદ વૈશ્વિક રાજકારણમાં ગરમાવો આવી ગયો છે. ટ્રમ્પના આ નિવેદન સામે ઈરાને આક્રમક વલણ અપનાવતા સ્પષ્ટ શબ્દોમાં કહી દીધું છે કે, ઈરાન કોઈ દેશના ભાષણ કે ખાલી ધમકીઓથી ડરવાનું નથી.
​ઈરાની નેતા અને પ્રવક્તા ઘરીબાબાદીએ ટ્રમ્પને જડબાતોડ જવાબ આપતાં જણાવ્યું હતું કે, હોર્મુઝની સામુદ્રધુની ઈરાનની સુરક્ષા અને સાર્વભૌમત્વનો મહત્વપૂર્ણ ભાગ છે. અમેરિકા કે અન્ય કોઈ પણ શક્તિ ઈરાનના સાર્વભૌમત્વ પર આંચ લાવવાનો પ્રયાસ કરશે તો તેને સખતમાં સખત જવાબ આપવામાં આવશે.
​ઈરાને આપેલા મુખ્ય પ્રહાર:
​ધમકીઓથી ડરવાનો સવાલ જ નથી: ઘરીબાબાદીએ સ્પષ્ટ કર્યું કે, ઈરાનનો ઈતિહાસ રહ્યો છે કે તે ક્યારેય વિદેશી દબાણ કે ધમકીઓ આગળ ઝૂક્યું નથી.
​હોર્મુઝ પર પૂર્ણ વર્ચસ્વ: હોર્મુઝની સામુદ્રધુની પર કોઈ પણ દેશનો અનધિકૃત કબજો ઈરાન ક્યારેય સહન નહીં કરે.
​અમેરિકી નીતિઓ પર પ્રહાર: ટ્રમ્પના નિવેદનોને તેમણે રાજકીય પબ્લિસિટી અને વાહિયાત દાવા ગણાવીને ફગાવી દીધા હતા.