નવી દિલ્હી: ઓએનજીસી ઊંડા સમુદ્રની શોધખોળમાં આગામી પાંચ વર્ષ દરમિયાન આશરે રૂ. એક લાખ કરોડનું રોકાણ કરશે.

ઓઇલ એન્ડ નેચરલ ગેસ કોર્પોરેશનના અધ્યક્ષ અને મુખ્ય કાર્યકારી અધિકારી અરુણકુમાર સિંહના જણાવ્યા મુજબ માર્ચ ૨૦૩૧ સુધી દેશના ઊંડા તથા અતિઊંડા સમુદ્રી વિસ્તારોમાં સત્ત્યાસી શોધકૂવા ખોદવાની યોજના છે. આગામી ત્રણથી ચાર વર્ષમાં આ ક્ષેત્રે આશરે રૂ. ૮૪ હજાર કરોડના ખર્ચનો અંદાજ વ્યક્ત થયો છે.

ચાલુ વર્ષે સાત અને આવતા વર્ષે દસ કૂવા ખોદવાની તૈયારી છે. જૂનાં તેલક્ષેત્રોના ઘટતા ઉત્પાદન વચ્ચે નવી શોધ ભારતની આયાત નિર્ભરતા ઘટાડવા માટે મહત્વપૂર્ણ ગણાય છે. કંપની મેંગલુરુમાં ૧૭.૫ લાખ ટનની વ્યૂહાત્મક પેટ્રોલિયમ સંગ્રહ સુવિધા અને વિદેશમાં ઊર્જા વેપાર એકમ સ્થાપવાની યોજના ઉપર પણ કામ કરી રહી છે