તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
હું ચૂંટણી નહીં લડું, સીધા મુખ્યમંત્રી પદના શપથ લઈશ
૨૦૨૭ ની યુપી ચૂંટણી પર અખિલેશ યાદવનું વારાણસીથી સનસનીખેજ એલાન!
વારાણસી,તા.૪: સમાજવાદી પાર્ટીના રાષ્ટ્રીય અધ્યક્ષ અખિલેશ યાદવે ઉત્તર પ્રદેશ વિધાનસભા ચૂંટણી ૨૦૨૭ ને લઈને એક અત્યંત રસપ્રદ અને ચોંકાવનારું નિવેદન આપ્યું છે. વડાપ્રધાન નરેન્દ્ર મોદીના સંસદીય ક્ષેત્ર વારાણસી પહોંચેલા અખિલેશ યાદવે જાહેરાત કરી છે કે તેઓ ૨૦૨૭ માં પોતે વિધાનસભા ચૂંટણી લડશે નહીં, પરંતુ સીધા મુખ્યમંત્રી પદના શપથ ગ્રહણ કરશે.
વારાણસી પ્રવાસ દરમિયાન જ્યારે પત્રકારોએ અખિલેશ યાદવને પૂછ્યું કે શું તેઓ ૨૦૨૭ માં કાશી (વારાણસી) ની કોઈ બેઠક પરથી વિધાનસભા ચૂંટણી લડશે? ત્યારે તેમણે રસપ્રદ અંદાજમાં જવાબ આપતાં કહ્યું કે, ‘‘હું વિધાનસભા ચૂંટણી નહીં લડું. હું સીધા મુખ્યમંત્રી પદના શપથ લઈશ. અમે ત્યારે જ મુખ્યમંત્રી બનીએ છીએ જ્યારે પોતે ચૂંટણી નથી લડતા. અમારા માટે આ જ શુભ છે અને અમે એ જ કરીશું જે શુભ હશે.''
અખિલેશ યાદવના આ નિવેદનને વર્ષ ૨૦૧૨ સાથે જોડીને જોવામાં આવી રહ્યું છે. ઉલ્લેખનીય છે કે વર્ષ ૨૦૧૨ માં જ્યારે સમાજવાદી પાર્ટીએ પૂર્ણ બહુમતી મેળવી હતી, ત્યારે અખિલેશ યાદવ કન્નૌજના સાંસદ હતા અને તેમણે વિધાનસભા ચૂંટણી લડી નહોતી. સરકાર બન્યા બાદ તેમણે મુખ્યમંત્રી તરીકે શપથ લીધા હતા અને ત્યારબાદ વિધાન પરિષદ (MLC) ના સભ્ય બન્યા હતા. હાલ પણ તેઓ કન્નૌજના લોકસભા સાંસદ છે.
અખિલેશ યાદવે દાવો કર્યો હતો કે ૨૦૨૭ ની ઉત્તર પ્રદેશ વિધાનસભા ચૂંટણીમાં ભાજપનો પરાજય નિﾍતિ છે અને રાજ્યમાં 'INDIA' ગઠબંધન તથા PDA (પછાત, દલિત અને અલ્પસંખ્યક) ના સમર્થનથી સમાજવાદી પાર્ટી પૂર્ણ બહુમતી સાથે સત્તામાં વાપસી કરશે. વારાણસીની ધરતી પરથી અખિલેશ યાદવના આ આત્મવિશ્વાસભર્યા નિવેદન બાદ યુપીના રાજકીય ગલિયારાઓમાં ભારે ચર્ચા જાગી છે.
(9:59 AM IST)
છેલ્લા 8 દિવસમાં સૌથી લોકપ્રિય 
