મથુરા : ઉત્તર પ્રદેશના મેરઠમાં પતિની ક્રૂરતાપૂર્વક હત્યા કરવાના ચકચારી કેસમાં મૃત્યુદંડની સજા પામેલી મુસ્કાન રસ્તોગી અને રવિતા નામની મહિલાઓને લઈને એક અત્યંત સનસનાટીભર્યા અને ચોંકાવનારા સમાચાર સામે આવ્યા છે. અખિલ ભારતીય હિન્દુ મહાસભાના જિલ્લા પ્રમુખ મીરા રાઠોડે મથુરાના જિલ્લા મેજિસ્ટ્રેટને સત્તાવાર પત્ર લખીને એવી અડગ ઈચ્છા વ્યક્ત કરી છે કે તે પોતે જલ્લાદ બનવા માંગે છે અને આ બંને દોષિત મહિલાઓને પોતાના હાથે ફાંસીના માચડે લટકાવવા માંગે છે. આ અસાધારણ માંગણી સાથે મીરા રાઠોડ સીધા ફંદા લઈને જિલ્લા મેજિસ્ટ્રેટની કચેરીએ પહોંચી જતા સમગ્ર વહીવટી તંત્ર અને રાજકીય વર્તુળોમાં ભારે હડકંપ મચી ગયો છે.

ઘટનાની વિગતવાર પ્રાપ્ત માહિતી અનુસાર, મેરઠની રહેવાસી મુસ્કાન રસ્તોગીએ પોતાના બોયફ્રેન્ડ સાહિલ સાથે મળીને પતિ સૌરભ રાજપૂતની હત્યા કરી હતી અને લાશને ઓળખ છુપાવવા માટે વાદળી ડ્રમમાં ભરી દીધી હતી, જ્યારે અન્ય એક કેસમાં રવિતાએ તેના પ્રેમી અમરદીપ સાથે મળીને પતિ અમિત કશ્યપને સાપ કરડાવવાના બહાને મોતને ઘાટ ઉતાર્યો હતો. કોર્ટ દ્વારા આ હઘ્ધ પચાવી નાખનારા ગુનામાં ચારેય આરોપીઓને મૃત્યુદંડની સજા ફટકારવામાં આવી છે, જેની સામે મુસ્કાન અને સાહિલે હાઈકોર્ટમાં અરજી દાખલ કરી છે. આ હાઈપ્રોફાઈલ મર્ડર મિસ્ટ્રી વચ્ચે મીરા રાઠોડે આગળ આવીને જાહેરાત કરી છે કે જો વહીવટીતંત્ર તેમને પરવાનગી આપે તો તે કોઈ પણ જાતના વેતન વગર મફતમાં આ બંને મહિલાઓને ફાંસી આપશે અને સજા આપતા પહેલા તેમને ગંગાજળથી શુદ્ધ કરવા જોઈએ.

મીરા રાઠોડ અગાઉ પણ પોતાના વિવાદાસ્પદ નિવેદનો અને ઉગ્ર કાર્યોને કારણે અવારનવાર વિવાદોમાં ઘેરાયેલી રહી છે. ભૂતકાળમાં તેમણે તાજમહેલ સંકુલની અંદર જઈને પૂજા અર્ચના કરી હતી તેમજ બોલિવૂડ સુપરસ્ટાર શાહરૂખ ખાનની જીભ કાપી લાવનારને એક લાખ રૂપિયાનું ઈનામ આપવાની જાહેરાત કરીને ચકચાર જગાવી હતી. પોતાના આક્રમક હિન્દુવાદી મિજાજ માટે જાણીતા મીરા રાઠોડના આ તાજેતરના ક્યારેય ન સાંભળેલા કૃત્યથી સમગ્ર રાજ્યમાં નવો વિવાદ છેડાઈ ગયો છે અને સોશિયલ મીડિયા પર આ ઘટનાની વ્યાપક ચર્ચા થઈ રહી છે.

હાલમાં મેરઠ કોર્ટના આ ફેંસાલા વિરુદ્ધ દોષિતો દ્વારા હાઈકોર્ટમાં કાનૂની લડત લડવામાં આવી રહી છે, ત્યારે મીરા રાઠોડની આ અનોખી અને ડ્રામેટિક માંગ અંગે સ્થાનિક વહીવટી તંત્ર દ્વારા કોઈ સત્તાવાર મંજૂરી આપવામાં આવી નથી. સજાના કાયદેસરના અમલીકરણ પહેલા આ પ્રકારની અસામાન્ય અરજીઓ અને પ્રદર્શનોને કારણે કાનૂની પ્રક્રિયામાં ગતિવિધિઓ તેજ બની ગઈ છે, અને આગામી દિવસોમાં કોર્ટના આખરી ચૂકાદા બાદ જ સજાના અમલ અંગેની આગળની વહીવટી દિશા નક્કી થશે.