જેરૂસલેમ:ઇઝરાયેલની ચૂંટણી બાદ નવી સરકારની રચનાને લઈને રાજકીય ગતિવિધિઓ તેજ બની છે. ચેનલ-૧૨ના અહેવાલ મુજબ યિસરાયેલ બેતેનુ પાર્ટીના નેતા એવિગ્ડોર લિબરમેને વિપક્ષના ગાડી આઇઝનકોટ અને નફતાલી બેનેટ સાથેનો સીધો સંપર્ક મોટાભાગે બંધ કરી દીધો છે. લિબરમેનનું માનવું છે કે આઇઝનકોટ નેતન્યાહુ સાથે રાષ્ટ્રીય એકતા સરકાર રચવાનો વિકલ્પ સ્વીકારે તે વધુ યોગ્ય રહેશે. 

જોકે લિબરમેને પોતાની અગાઉની સ્થિતિ જાળવી રાખી છે કે તેઓ નેતન્યાહુના નેતૃત્વવાળી સરકારમાં જોડાશે નહીં. આરબ પક્ષોના ટેકાથી ચાલતી લઘુમતી સરકારને પણ સમર્થન નહીં આપે. આ અહેવાલથી વિપક્ષી એકતા અંગે નવી અનિશ્ચિતતા ઊભી થઈ છે.