તા. ૪ નવેમ્બરે ર૦ર૫ વિક્રમ સંવત ર૦૮૨ કારતક સુદ – ૧૪ મંગળવાર
ભારે કરી! ખાલી ૬ ગુંઠા જમીન માટે ૯૬ વર્ષ સુધી કેસ લડયાઃ ૬ લાખની જમીન માટે ૩૦ લાખ ખર્ચી નાખ્યા
કેટલીય પેઢી જતી રહી, ચહેરા બદલાતા રહ્યા. પણ ફાઈલો અને તારીખો ખતમ ન થઈ. હવે જતાં ચુકાદો આવ્યો અને પરિવારે રાહતનો શ્વાસ લીધો : વર્ષો સુધી ચાલેલી કાનૂની પ્રક્રિયા દરમ્યાન બંને પરિવારના ઘણા લોકોના નિધન પણ થયા છે
બેગૂસરાય,તા.૯: બિહારમાંથી એક વિચિત્ર કિસ્સો સામે આવ્યો છે, જ્યાં ૬ લાખની જમીન માટે લડતા-લડતા ન્યાયની કિમત ૩૦ લાખથી ઉપર જતી રહી. ૬ ગુંઠા જમીનની લડાઈ લડતા-લડતા આ મામલો એક વીઘાથી વધારે પર પહોંચી ગયો. આ કહાની છે કે બિહારના બેગૂસરાય જિલ્લાના મંઝૌલના ધર્મપુર ગામની છે. જ્યાં ખાલી ૬ ગુંઠા જમીનનો કેસ ૯૬ વર્ષ સુધી ચાલ્યો. કહેવાય છે કે આ છ ગુંઠા જમીનને લઈ શરૂ થયેલો ઝઘડો લગભગ ૯૬ વર્ષ સુધી અલગ અલગ સમયે કોર્ટમાં ચાલતો રહ્યો. આ દરમ્યાન કેટલીય પેઢી જતી રહી, ચહેરા બદલાતા રહ્યા. પણ ફાઈલો અને તારીખો ખતમ ન થઈ. હવે જતાં ચુકાદો આવ્યો અને પરિવારે રાહતનો શ્વાસ લીધો.
૭૫ વર્ષિય ઉમેશ પ્રતાપ સિહે પોતાની કહાની શેર કરતા જણાવ્યું કે મારા પિતાજીના સમયથી આ કેસ નોંધાયેલો છે. ૬ ગુંઠા જમીનને લઈ કેસ હતો. આજે લગભગ એક વીઘાથી વધારે જમીન થઈ ગઈ છે. આજે જમીનની કિમત વધારે હોય તો ૫થી ૬ લાખ રૂપિયા હશે. ન્યાયની લડાઈ લડવામાં ૩૦ લાખથી વધારે ખર્ચ થઈ ગયા. અમે ખુશી એ વાતની છે કે છેલ્લે જતાં ન્યાય મળ્યો. અમારી પેઢી સાચી હતી. કેસ લડ્યા તો ન્યાય મળ્યો. તેમણે જણાવ્યું કે વર્ષો સુધી ચાલેલી કાનૂની પ્રક્રિયા દરમ્યાન બંને પરિવારના ઘણા લોકોના નિધન પણ થયા છે.
યોગેન્દ્ર સિહ ઉર્ફ ટાઈગરે જણાવ્યું કે, કહાની છે બાબૂજીના સમયની ૧૯૩૦, ૧૯૩૨ અથવા ૧૯૩૫ જે પણ હોય વર્ષ તો અમને નથી જાણતા. જમીન સંબંધિત કલમ ૪૪ થઈ. પછી ૧૯૪૫માં ટાઈટલમાં તેનો નિર્ણય થઈ ગયો.
યોગેન્દ્ર સિંહ ઉર્ફ ટાઈગરે આગળ કહ્યું કે, ત્યાર બાદ પછી ૨૦૨૬માં આ ફરી કેસ નોંધાયો. અમને અમારી ૧૫ ગુંઠા જમીનમાંથી ભગાડી દીધા. અમારે આ જમીન જોઈતી હતી, અમારે પાસે કંઈ નહોતું. તેના દસ્તાવેજથી અમે આ કેસની શરૂઆત કરી. જ્યારે ૬ ગુંઠા જમીન સામેવાળાની હતી જ નહીં તો પછી દાવો ક્યાંથી આવે. જૂના દસ્તાવેજ અને રેકોર્ડને લઈ પણ લાંબા સમય સુધી વિવાદ રહ્યો. જેના કારણે કેસ સતત કોર્ટમાં ચાલતો રહ્યો.
યોગેન્દ્ર સિંહ ઉર્ફ ટાઈગરના જણાવ્યા અનુસાર, ૧૯૫૪માં ૪૬૨ ખસરા છે, તેમાં રહસ્ય હતું ભૂલ ગમે તેની હોય, ૪૬૩ લખેલું હતું. જેને ચુકાદામાં લખવામાં આવ્યો. તો તેને સુધારવો જોઈતો હતો. તેની પણ સમય મર્યાદા છે. એ પણ ન કરાવ્યું અને પોતાના હાથથી લખી નાખ્યું. તેના પર ૪૨૦નો કેસ ચલાવો. કોર્ટે આગળ જતાં આદેશ આપ્યો. તેમણે આગળ કહ્યું કે, આ દરમ્યાન ૪૨૦ કરનારા સત્તો સિહ થોડા દિવસ બાદ ગુજરી ગયા. ત્યાર બાદ આ કેસ અલગ અલગ રીતે ચાલતો રહ્યો.
યોગેન્દ્ર ઉર્ફ ટાઈગરે જણાવ્યું કે, ત્યાર બાદ ફરી ૨૦૦૬માં આ મામલામાં સત્યનારાયણ સિહે જ કેસ કર્યો. જે પાર્ટી તેને ટાઈટલમાં ફરી ગઈ હતી. તે પ્રોપર્ટી સાથે કોઈ સંબંધ નહોતો. તેને પણ અમારા વિપક્ષ દ્વારા પાર્ટી બનાવી દીધી હતી. પછી કોર્ટમાં જણાવ્યું કે તમે ૧૯૫૪નો મામલો ૨૦૦૬માં લાવો છો તો ૧૨ વર્ષ સુધીમાં જ હાજર કરવાનો હતો. આ કારણે કેસ એડવર્સ પઝેશનમાં જતો રહ્યો અને અમારી જીત થઈ.
ધર્મપુર ગામની આ કહાની જમીન વિવાદ હતી. હવે આ બાજુ જિલ્લા અને સત્ર ન્યાયાધીશ બેગૂસરાયમાં વાદી પક્ષની ટાઈટલ અરજી ફગાવી દીધી. મુંશી મંઝૌલ દ્વારા પાસ ચુકાદો અને ડિક્રી યથાવત રાખી. જમીન વિવાદની આ કહાની ધામપુરના રહેવાસી સંત નારાયણ સિહ અને અન્ય ભાગ નારાયણ સિહ વિરુદ્ધ ૧૦/૨૦૨૬ ટાઈટલ શૂટ સાથે જોડવામાં આવ્યો. જેમાં વાદી પક્ષે ૨૦૦૬માં જમીન પર પોતાની સ્વતંત્ર પૂર્ણદખલની માગ સાથે જોડવામાં આવ્યો હતો. પરિવારનો દાવો છે કે જે જમીનની કિમત આજે ૬ લાખ રૂપિયા છે, તેને બચાવવા અને પોતાનો હક સાબિત કરવામાં ૩૦ લાખથી વધારે ખર્ચ થઈ ગયો. લગભગ ૯૬ વર્ષ સુધી ચાલેલી આ લડાઈ બાદ હવે પરિવારને રાહત અને ન્યાય મળવાની વાત કહી રહ્યા છે. અને અંતમાં ૬ ગુંઠા જમીન ૨૧ ગુંઠા થઈ.
(10:00 AM IST)
છેલ્લા 8 દિવસમાં સૌથી લોકપ્રિય 
