તા. ૧૩ જાન્યુઆરી ર૦ર૫ વિક્રમ સંવત ર૦૮૧ પોષ સુદ – ૧૪ સોમવાર
કેનેડામાં ગુજરાતી કપલનું મોતઃ હોસ્પિટલ જતી વખતે અકસ્માત
હાઈવે ૬૯ પર થયેલા અકસ્માતમાં વિનોદ પટેલ અને શિલ્પા પટેલની કાર ટ્રક સાથે અથડાઈ જતાં બંનેનાં મોત
ટોરન્ટો,તા.૧૫: કેનેડામાં ગત સપ્તાહે હાઈવે ૬૯ પર થયેલા એક ગમખ્વાર અકસ્માતમાં એક ગુજરાતી દંપતીનું મોત થયું છે. આ કપલની ટોરન્ટોમાં મેડિકલ અપોઈન્ટમેન્ટ હતી, વિનોદ પટેલ અને તેમના પત્ની શિલ્પા પટેલ નોર્ધન ઓન્ટારિયોના બ્રિટ નજીકના હાઈવે પરથી પસાર થઈ રહ્યા હતા ત્યારે એપ્રિલ ૦૭ના રોજ આ અકસ્માત થયો હતો. વિનોદ પટેલને થોડા સમય પહેલા જ બ્રેઈન સર્જરી થઈ હતી જેના ફાઈનલ ફોલોઅપ માટે તેઓ હોસ્પિટલ જઈ રહ્યા હતા પરંતુ તે જ વખતે તેમની કાર અકસ્માતને ભેટતા તેમની સાથે તેમના પત્નીનુ પણ કમકમાટીભર્યું મોત થયું હતું.
જે પટ્ટામાં આ એક્સિડન્ટ થયો હતો તે ટુ લેનનો હોવાથી અગાઉ પણ તેના પર આવા જ અકસ્માત થઈ ચૂક્યા છે. આ રસ્તાને ફોર લેન કરવામાં આવે તેવી ઘણા સમયથી માગ થઈ રહી છે તેવામાં વધુ એક અકસ્માત થતાં ગુજરાતી કપલે પોતાનો જીવ ગુમાવવો પડ્યો છે.
ઓન્ટારિયો પ્રોવિન્શિયલ પોલીસના જણાવ્યા અનુસાર સવારે સાત વાગ્યે અકસ્માતની માહિતી મળતા એક ટીમને ત્યાં રવાના કરવામાં આવી હતી. મૃતક કપલ એક કારમાં સવાર હતું જેની સામેની સાઈડથી આવી રહેલા ટ્રાન્સપોર્ટ ટ્રક સાથે ધડાકાભેર ટક્કર થઈ હતી. વિનોદ પટેલ અને શિલ્પા પટેલના પરિવારજનોને આશંકા છે કે અકસ્માત થયો તે પહેલા તેમની કાર બ્લેક આઈસને કારણે સ્લીપ થઈ હોઈ શકે છે.
જોકે, પોલીસે આ અંગે હજુ સુધી કોઈ પુષ્ટિ નથી કરી. ઓન્ટારિયો પ્રોવિનિશ્યિલ પોલીસ હાલ આ મામલાની તપાસ કરી રહી છે. પટેલ દંપતીનું મોત થયું તેના બે જ દિવસ બાદ હાઈવે ૬૯ પર થયેલા વધુ એક અકસ્માતમાં એક શખસનું તે જ લોકેશન પર મોત થઈ ગયું હતું.
મૃતકના દીકરા અર્શ અને યુગ પટેલે આ અંગે લોકલ ન્યૂઝ ચેનલ ઘ્ગ્ઘ્ સાથે વાત જણાવ્યું હતું કે હાઈવે ટુ લેનનો હોવાના કારણે અત્યારસુધી આટલા અકસ્માત થયા હોવા છતાંય કેમ તેનું એક્સપાન્શન કરવામાં નથી આવતું? વિનોદ પટેલના ૨૨ વર્ષીય દીકરા અર્શે CBCને આપેલા ઈન્ટરવ્યુમાં એવો સવાલ ઉઠાવ્યો હતો કે આ કોઈ પહેલો અકસ્માત નથી અને અકસ્માતોની વણઝાર ઘણા લાંબા સમયથી યથાવત છે, એડમિનિસ્ટ્રેશન પાસે હાઈવેને પહોળો કરવા માટે પૂરતો સમય હતો પરંતુ તેમ છતાંય આ કામ હજુ સુધી નથી થયું.
મેકમાસ્ટર યુનિવર્સિટીમાં કેમિકલ બાયોલોજીનો અભ્યાસ કરતા અર્શે એમ પણ જણાવ્યું હતું કે શું તંત્ર ફરી કોઈ મોટો અકસ્માત થાય તેની રાહ જોઈ રહ્યું છે? વિનોદ પટેલ અને શિલ્પા પટેલનો નાનો દીકરો યુગ હજુ ૧૭ જ વર્ષનો છે અને તે ગ્રેડ ૧૧માં અભ્યાસ કરે છે, તેણે પણ એવું જણાવ્યું હતું કે જે પોતાની સાથે થયું તે બીજા કોઈની સાથે ના થવું જોઈએ.
મૃતક દંપતીના પરિચિતોના જણાવ્યા અનુસાર સડબરીમાં રહેતી ગુજરાતી કોમ્યુનિટીમાં વિનોદ પટેલ અને શિલ્પા પટેલ ખૂબ જ મહત્વની ભૂમિકા ભજવતા હતા, તેમના પેરેન્ટ્સ પણ તેમની સાથે જ રહેતા હતા અને તેઓ કોમ્યુનિટીના લોકોને મદદ કરવા માટે પણ હંમેશા આગળ રહેતા હતા. આ ફેમિલી ૨૦૦૯માં ઈન્ડિયાથી કેનેડા આવ્યું હતું અને ત્યારથી તેઓ કેનેડામાં નવા આવતા ગુજરાતીઓની મદદ કરતા હતા.
શિલ્પા પટેલ ટેક્સ કન્સલ્ટન્ટ હતા જ્યારે તેમના પતિ વિનોદ પટેલ આઈટી ફિલ્ડ સાથે સંકળાયેલા હતા અને ઓટાવા સ્થિત એક કંપની માટે ઘરેથી જ કામ કરતા હતા. વિનોદ અને શિલ્પાની ઓટોપ્સી હજુ બાકી હોવાથી તેમના અંતિમ સંસ્કારની તારીખ નક્કી કરવામાં નથી આવી.
જ્યાં પટેલ દંપતીની કારનો અકસ્માત થયો હતો તે હાઈવે ૬૯ની લંબાઈ ૧૪૦.૩ કિલોમીટર છે, સેન્ટ્રલ ઓન્ટારિઓનો આ રસ્તો હાઈવે ૪૦૦ અને હાઈવે ૧૭ને કનેક્ટ કરે છે પરંતુ તેનો ૬૮ કિલોમીટરનો પટ્ટો સિગલ લેન છે અને તેમાં કોઈ ડિવાઈડર પણ ના હોવાથી અવારનવાર આ સ્ટ્રેચ પર અકસ્માત થતા રહે છે. આમ તો ૨૦૧૭માં જ આ હાઈવેને ડબલ લેનનો કરવાનું કામ પૂરું થઈ જવાનું હતું પરંતુ નવ વર્ષથી આ પ્રોજક્ટ સતત ડીલે થયા કરે છે
(10:06 AM IST)
છેલ્લા 8 દિવસમાં સૌથી લોકપ્રિય 
