છેલ્લા ચાર વર્ષમાં દેશમાં ગોલ્ડ લોન ચાર ગણી વધી
ત્રણ રાજ્યો સોનાને ગીરવે મુકવામાં સૌથી આગળ : હાઉસિંગ લોન પછી, રિટેલ ક્રેડિટમાં ગોલ્ડ લોન બીજા ક્રમે છે
નવી દિલ્હી,તા.૧૫: ભારતમાં ગોલ્ડ લોન ઉધાર ઝડપથી વધી રહી છે. માર્ચ ૨૦૨૨ થી, ગોલ્ડ લોન ચાર ગણી વધી છે, જે રિટેલ ક્રેડિટ પોર્ટફોલિયોમાં રૂ.૧૬.૮ લાખ કરોડનો બીજો સૌથી વધુ હિસ્સો ધરાવે છે, જે ફક્ત હાઉસિગ લોનને વટાવી ગઈ છે. જ્યારે દક્ષિણના ત્રણ રાજ્યો તમિલનાડુ, કર્ણાટક અને આંધ્રપ્રદેશ ગોલ્ડ લોનના ૫૦% થી વધુ હિસ્સો ધરાવે છે, ત્યારે ઉત્તર પ્રદેશ, આસામ, રાજસ્થાન, મધ્યપ્રદેશ અને ગુજરાતમાં પણ ગોલ્ડ લોન ઝડપથી વધી રહી છે.
ટ્રાન્સયુનિયન સિબિલના ગોલ્ડ લોન લેન્ડસ્કેપ રિપોર્ટ મુજબ, દેશમાં સોના સામે કોલેટરલ તરીકે લોન લેવાનું વલણ વધી રહ્યું છે. જોકે, ત્રણ રાજ્યોઃ તમિલનાડુ, આંધ્રપ્રદેશ અને કર્ણાટક દેશના ગોલ્ડ લોન માર્કેટમાં ૫૧.૧% હિસ્સો ધરાવે છે. તમિલનાડુ ૨૫.૮% બજાર હિસ્સા અને ૨૩% વૃદ્ધિ સાથે યાદીમાં ટોચ પર છે. આંધ્રપ્રદેશ ૧૩.૬% બજાર હિસ્સા અને ૩૪% વૃદ્ધિ સાથે બીજા ક્રમે છે. કર્ણાટક ૧૧.૭% બજાર હિસ્સા અને ૪૧% વૃદ્ધિ સાથે ત્રીજા ક્રમે છે.
તમિલનાડુ, કર્ણાટક અને આંધ્રપ્રદેશ ૫૦% થી વધુ હિસ્સો ધરાવે છે.
તમિલનાડુ ૨૫.૮% બજાર હિસ્સા સાથે આગળ છે.
આસામ, ઉત્તર પ્રદેશ, રાજસ્થાન, મધ્યપ્રદેશ અને ગુજરાતમાં પણ આ વલણ વધી રહ્યું છે.
દક્ષિણના અન્ય રાજ્યો પણ યાદીમાં ટોચ પર છે. ઉદાહરણ તરીકે, કેરળ ૯% બજાર હિસ્સા અને ૧૬% વૃદ્ધિ સાથે ચોથા ક્રમે છે. તેલંગાણા ૮૮% બજાર હિસ્સા અને ૫૫% વૃદ્ધિ સાથે પાંચમા ક્રમે છે. કુલ ગોલ્ડ લોનમાં મહારાષ્ટ્રનો હિસ્સો ૫.૮% છે, જ્યારે તેનો વિકાસ ૪૦% છે. પﾍમિ બંગાળનો હિસ્સો ૩.૬% છે અને ૪૬% વૃદ્ધિ છે. ગુજરાતનો હિસ્સો ૩.૩્રુ છે અને ૫૧% વૃદ્ધિ છે. તેવી જ રીતે, ઓડિશાનો હિસ્સો ૩% છે અને ૨૧% વૃદ્ધિ છે.
વસ્તીની દ્રષ્ટિએ દેશનું સૌથી મોટું રાજ્ય ઉત્તર પ્રદેશ, ૨.૭% હિસ્સા સાથે ટોચના ૧૦ રાજ્યોમાં સામેલ છે. રાજ્યમાં ગોલ્ડ લોન વૃદ્ધિ ૭૫% છે. અહેવાલ મુજબ, આસામ, ઉત્તર પ્રદેશ, રાજસ્થાન, મધ્ય પ્રદેશ અને ગુજરાતમાં ગોલ્ડ લોનનો ટ્રેન્ડ ઝડપથી વધી રહ્યો છે. નીચા આધારને કારણે, આ રાજ્યોમાં વધુ વૃદ્ધિ જોવા મળી રહી છે.
(3:07 PM IST)
છેલ્લા 8 દિવસમાં સૌથી લોકપ્રિય 
