મુંબઈ,તા.૨૬: વિદેશી રોકાણકારો સતત ભારતીય શેરબજારમાંથી પૈસા કાઢી રહ્યા છે. ઓક્‍ટોબર મહિનામાં અત્‍યાર સુધીમાં તેમણે રૂ.૪૮,૦૫૬ કરોડના શેર વેચ્‍યાં છે. આના મુખ્‍ય કારણોમાં ક્રૂડ ઓઈલના ઊંચા ભાવ, મિડલ ઈસ્‍ટમાં તણાવ, મોંઘવારીની ચિતા અને કંપનીના નબળા પરિણામ સામેલ છે. જોકે, ગયા અઠવાડિયે વેચવાલીનું દબાણ થોડું ઘટ્‍યું હતું. બે ટ્રેડિગ સત્રો દરમિયાન વિદેશી રોકાણકારોએ ખરીદી પણ કરી છે.

સેન્‍ટ્રલ ડિપોઝિટરી સર્વિસીસ લિમિટેડ (CDSL)ના આંકડા મુજબ, વિદેશી પોર્ટફોલિયો રોકાણકારો (FPIs)એ ભારતીય શેરબજારમાંથી સપ્‍ટેમ્‍બર મહિનામાં રૂ.૩૫,૮૬૧ કરોડ કાઢ્‍યા હતા. આ પહેલાં તેમણે જુલાઈમાં રૂ.૨૦,૨૦૦ કરોડ અને ઓગસ્‍ટમાં રૂ.૨૯,૬૩૧ કરોડનું રોકાણ કર્યું હતું. ઓક્‍ટોબરમાં થયેલા આ આઉટફલો (શેરબજારમાંથી પૈસા પાછા ખેંચવાની પ્રક્રિયા) પછી વર્ષ ૨૦૨૬માં અત્‍યાર સુધીમાં કુલ આંકડો રૂ.૩.૦૮ લાખ કરોડ સુધી પહોંચી ગયો છે. તે ૨૦૨૫માં કાઢવામાં આવેલા રૂ.૧.૬૬ લાખ કરોડથી ઘણો વધારો છે.

'ચોઈસ વેલ્‍થ'ના ધીરજ ગૌરના જણાવ્‍યા અનુસાર, ક્રૂડ ઓઈલના ભાવમાં આવેલી તેજી અને મિડલ ઈસ્‍ટમાં સર્જાયેલો તણાવ એ આ વેચવાલી પાછળના મુખ્‍ય કારણો છે. એક સમયે ક્રૂડ ઓઈલના ભાવ પ્રતિ બેરલ લગભગ $૧૧૪ સુધી પહોંચી ગયા હતા. આ ઉપરાંત, કંપનીઓના પરિણામ અને મોંઘવારીને લઈને પણ ચિતા યથાવત છે.

'મિરા મની'ના આનંદ કે. રાથીએ જણાવ્‍યું કે તેલ અને લોજાિસ્‍ટિક્‍સ સંબંધિત વધતા ખર્ચને કારણે આગામી ત્રિમાસિક ગાળામાં કંપનીઓની કમાણી પણ દબાણ આવી શકે છે. આ ઉપરાંત, અમેરિકામાં ઊંચા વ્‍યાજ દરો પણ વિદેશી રોકાણકારોને ત્‍યાં રોકાણ માટે આકર્ષિત કરી રહ્યા છે. જોકે, સ્‍થાનિક સંસ્‍થાકીય રોકાણકારો અને સિસ્‍ટમેટિક ઇન્‍વેસ્‍ટમેન્‍ટ પ્‍લાન્‍સ (SIPs) દ્વારા થતા રોકાણોને કારણે બજારને સતત ટેકો મળી રહ્યો છે.

'જિયોજિત ઇન્‍વેસ્‍ટમેન્‍ટ્‍સ'ના વી.કે. વિજયકુમારના જણાવ્‍યા અનુસાર, યુએસ બોન્‍ડ યીલ્‍ડમાં ઘટાડો, રૂપિયામાં મજબૂતી અને લાર્જ-કેપ શેરોના આકર્ષક વેલ્‍યુએશનને કારણે વેચવાલીનું દબાણ હળવું થયું હતું. અમેરિકાની ૧૦ વર્ષની બોન્‍ડ યીલ્‍ડ ૫.૩૬% થી ઘટીને આશરે ૫% થઈ ગઈ છે. આગામી સપ્તાહમાં, યુએસ ફેડરલ રિઝર્વ અને બેંક ઓફ જાપાન દ્વારા વ્‍યાજ દરો અંગે લેવામાં આવનારા નિર્ણયો મહત્‍વપૂર્ણ રહેશે. આ ઉપરાંત, યુએસ જીડીપી (GDP)ના આંકડા, બ્રેન્‍ટ ક્રૂડ ઓઈલના ભાવ, વૈશ્વિક સંઘર્ષો અને કંપનીઓના ત્રિમાસિક પરિણામો પણ બજારની દિશા નક્કી કરવામાં ભૂમિકા ભજવી શકે છે.