નવી દિલ્હી તા.૧૪ : ચૂંટણી પંચે ગુરુવારે Special Intensive Revision (SIR) ફેઝ-3ની જાહેરાત કરી છે. આ અંતર્ગત *16 રાજ્યો અને 3 કેન્દ્રશાસિત પ્રદેશોમાં* મતદારયાદીનું ખાસ સઘન સુધારણા અભિયાન હાથ ધરાશે. મુખ્ય ચૂંટણી કમિશનર જ્ઞાનેશ કુમારે તમામ મતદારોને ઉત્સાહપૂર્વક ભાગ લેવા અને એન્યુમરેશન ફોર્મ ભરવા અપીલ કરી છે.

 

 

કયા રાજ્યો/UT આવરી લેવાશે?

 

 

ફેઝ-3માં *દિલ્હી, ઓડિશા, મિઝોરમ, સિક્કિમ, મણિપુર, ઉત્તરાખંડ, આંધ્રપ્રદેશ, અરુણાચલ પ્રદેશ, હરિયાણા, ચંદીગઢ, તેલંગાણા, પંજાબ, કર્ણાટક, મેઘાલય, મહારાષ્ટ્ર, ઝારખંડ, નાગાલેન્ડ, ત્રિપુરા* અને *દાદરા નગર હવેલી તથા દમણ-દીવ*નો સમાવેશ થાય છે. આ તબક્કામાં *36.73 કરોડથી વધુ મતદારોને* આવરી લેવામાં આવશે.

 

 

 

શા માટે ત્રણ રાજ્યો/UT બાકાત?

 

 

ચૂંટણી પંચે જણાવ્યું કે *હિમાચલ પ્રદેશ, જમ્મુ-કાશ્મીર અને લદ્દાખ*ને હાલ પૂરતું બાકાત રાખવામાં આવ્યા છે. વસ્તીગણતરીનો બીજો તબક્કો પૂર્ણ થવાનો બાકી હોવાથી અને બરફાચ્છાદિત વિસ્તારોમાં હવામાનની સ્થિતિ ધ્યાને લઈને આ ત્રણ રાજ્યો/UT માટે SIRનું શેડ્યૂલ પછીથી જાહેર કરાશે.

 

 

 

કેવી રીતે થશે કામગીરી?

 

 

1. *30 મેથી* 3.94 લાખથી વધુ બૂથ લેવલ ઓફિસર (BLO) ઘરે-ઘરે મુલાકાત લઈને ચકાસણી કરશે.

2. રાજકીય પક્ષો દ્વારા નિયુક્ત *3.42 લાખ બૂથ લેવલ એજન્ટ (BLA)* પણ પ્રક્રિયામાં જોડાશે.

3. વસ્તીગણતરીના હાઉસ-લિસ્ટિંગ ઘટક સાથે સંકલન સાધીને ફિલ્ડ સ્ટાફનો મહત્તમ ઉપયોગ કરાશે.

4. ઉદ્દેશ્ય માત્ર પાત્ર મતદારોને જ યાદીમાં રાખવા અને અપાત્ર એન્ટ્રીઓ દૂર કરવાનો છે. 

 

 

અગાઉના તબક્કાઓમાં શું થયું?

 

 

SIR ફેઝ-1 બિહારમાં જૂન-સપ્ટેમ્બર 2025માં અને ફેઝ-2 નવ રાજ્યો અને ત્રણ UTમાં ઓક્ટોબર 2025થી એપ્રિલ 2026 સુધી યોજાયો હતો. પ્રથમ બે તબક્કામાં 13 રાજ્યો/UTના *59 કરોડથી વધુ મતદારો* આવરી લેવાયા, જેમાં 6.3 લાખ BLO અને 9.2 લાખ BLA જોડાયા હતા. SIRના કારણે અત્યાર સુધીમાં મતદારયાદીમાંથી *5.58 કરોડ નામો* હટાવાયા છે. 

 

ચૂંટણી પંચે તમામ રાજકીય પક્ષોને દરેક મતદાન મથક માટે BLA નિયુક્ત કરવા વિનંતી કરી છે, જેથી સંપૂર્ણ પારદર્શિતા જળવાઈ રહે.