<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Monday, 16th November 2026

ન્યૂયોર્ક પોસ્ટના ૨૨૫મા સ્થાપના દિવસ નિમિત્તે ડોનાલ્ડ ટ્રમ્પે પાઠવી વિશેષ શુભેચ્છા

પત્રકારત્વ ક્ષેત્રે અખબારના બહુમૂલ્ય યોગદાનની પ્રશંસા કરતા અમેરિકન રાષ્ટ્રપતિ

વોશિંગ્ટન : અમેરિકાના પ્રખ્યાત અને ઐતિહાસિક અખબાર ન્યૂયોર્ક પોસ્ટના ૨૨૫મા સ્થાપના દિવસ નિમિત્તે અમેરિકન રાષ્ટ્રપતિ ડોનાલ્ડ ટ્રમ્પે અખબારની ટીમને હાર્દિક શુભેચ્છાઓ પાઠવી છે.

માઇક્રોબ્લોગિંગ પ્લેટફોર્મ પર કરવામાં આવેલી સત્તાવાર પોસ્ટમાં રાષ્ટ્રપતિ ટ્રમ્પે આ અખબારને ન્યૂયોર્ક શહેરની એક પ્રતિષ્ઠિત સંસ્થા ગણાવી હતી અને પત્રકારત્વના ક્ષેત્રમાં તેના બહુમૂલ્ય યોગદાનની મુક્ત કંઠે પ્રશંસા કરી હતી. 

તેમણે પોતાના સંદેશમાં જણાવ્યું હતું કે છેલ્લા બે સદી કરતાં વધુ સમયથી ન્યૂયોર્ક પોસ્ટે દેશ અને દુનિયાની અનેક મોટી ખબરોને નિર્ભીકતાથી લોકો સમક્ષ મૂકી છે. આ અખબારે અનેક યાદગાર અને ઐતિહાસિક હેડલાઈન્સ આપીને પત્રકારત્વના ઉચ્ચ માપદંડો પ્રસ્થાપિત કર્યા છે. 

વર્ષ ૧૮૦૧માં શરૂ થયેલું આ અખબાર અમેરિકાના સૌથી જૂના દૈનિકોમાં પોતાનું આગવું સ્થાન ધરાવે છે. રાષ્ટ્રપતિની આ પ્રશંસાથી મીડિયા જગતમાં ખુશી જોવા મળી છે.

 

(10:00 PM IST)