નવી દિલ્હી : રવિવારે દેશભરમાં દિવાળીની ભવ્ય ઉજવણી વચ્ચે ફટાકડા અને શોર્ટ સર્કિટના કારણે દેશના વિવિધ રાજ્યોમાં આગ લાગવાની ભયાનક ઘટનાઓ સામે આવી છે. દિલ્હી, ઉત્તર પ્રદેશ, જમ્મુ-કાશ્મીર, મહારાષ્ટ્ર અને બિહાર જેવા રાજ્યોમાં આગની દુર્ઘટનાઓએ ભારે તારાજી સર્જી છે. જમ્મુમાં જ્યાં બાર જેટલી દુકાનો આગીમાં ખાખ થઈ ગઈ હતી, તો બીજી તરફ પટનામાં બે દુકાનો અને મહારાષ્ટ્રના નાગપુર તથા પુણેમાં શાનદાર શોરૂમ તેમજ ફેક્ટરીઓમાં લાગેલી આગમાં અનેક વાહનો અને કરોડોનો માલસામાન બળીને ભસ્મીભૂત થઈ ગયો હતો.

દેશના પાટનગર દિલ્હીના નજફગઢ સ્થિત નાંગલી સકરાવતી વિસ્તારમાં આવેલી એક કપડાની ફેક્ટરીમાં સાંજના સમયે અચાનક ભીષણ આગ ફાટી નીકળી હતી. આગે એટલું વિકરાળ સ્વરૂપ ધારણ કર્યું હતું કે તેને ઓલવવા માટે ફાયર બ્રિગેડની ૨૫થી વધુ ગાડીઓને ઘટનાસ્થળે તૈનાત કરવી પડી હતી. ઉજવણીના આ માહોલ વચ્ચે દિલ્હીના નરેલા વિસ્તારમાં એક અત્યંત કરૂણ ઘટના સામે આવી હતી, જ્યાં પેટના ભાગે રોકેટ વાગવાથી એક ૧૦ વર્ષના નિર્દોષ બાળકનું કરૂણ મોત નીપજ્યું હતું, જેના કારણે તહેવારનો ઉત્સાહ માતંગમાં ફેરવાઈ ગયો હતો.

આગની આ ઘટનાઓ માત્ર શોરૂમ કે દુકાનો પૂરતી સીમિત ન રહેતા અનેક ઔદ્યોગિક ફેક્ટરીઓ, ગોદામો અને ભંગારના ડેપો સુધી ફેલાઈ ગઈ હતી. પ્રાથમિક તપાસમાં ફટાકડાના તણખા તેમજ શોર્ટ સર્કિટ આગ લાગવાનું મુખ્ય કારણ હોવાનું સામે આવ્યું છે. નાગપુરમાં શોરૂમમાં આગ લાગતા જ અંદર પાર્ક કરેલા અનેક વાહનો આહૂતિ બની ગયા હતા, જ્યારે બિહારના પટનામાં પણ વેપારીઓને ભારે આર્થિક ફટકો પડ્યો છે. સ્થાનિક ફાયર ફાઈટરો અને પોલીસે કલાકોની ભારે જહેમત બાદ મોટાભાગના સ્થળોએ આગ પર સંપૂર્ણ કાબુ મેળવ્યો હતો.

દર વર્ષે દિવાળીના તહેવાર પર સુરક્ષાના તમામ દાવો છતાં આવી હોનારતો સામે આવતી રહી છે, ત્યારે આ વખતની ઘટનાઓએ ફરી એકવાર ફાયર સેફ્ટી અને ફટાકડા ફોડવાના નિયમો પર સવાલો ઊભા કર્યા છે. હાલમાં તમામ સંબંધિત સ્થાનિક પ્રશાસન અને પોલીસ ટીમો દ્વારા બળીને ખાખ થયેલી મિલકતોના નુકસાનનો સર્વે શરૂ કરવામાં આવ્યો છે. આ ઉપરાંત, ભવિષ્યમાં આવી હોનારતો અટકાવવા માટે ગીચ વિસ્તારોમાં ફાયર સેફ્ટીના ધોરણોની ચકાસણી કરવા અને પીડિત વેપારીઓને સહાય પૂરી પાડવા અંગે તંત્ર દ્વારા કાનૂની અને પ્રશાસનિક કાર્યવાહી હાથ ધરવામાં આવી છે.